U Kitai ŭzarvali vializarnuju carkvu chryścijan-jevanhielistaŭ, pabudavanuju ŭ 2009 hodzie ŭ horadzie Lińfeń na achviaravańni viernikaŭ. Pra heta paviedamlaje «The Mirror». Carkvu naviedvali kala 50 tysiač čałaviek.
Jak paviedamiła dziaržaŭnaje kitajskaje vydańnie «Global Times», budynak byŭ pryznany niezakonnaj pabudovaj. Ciapier carkvu rujnujuć ekskavatary, a viernikam nie dajuć da jaje nabližacca.
Mnohija pravaabarončyja arhanizacyi ŭspryniali znos carkvy jak čarhovy prykład parušeńnia pravoŭ viernikaŭ u KNR. Jak adznačaje vydańnie, u kirujučaj Kamunistyčnaj partyi Kitaja aścierahajucca ŭpłyvu katalickaj carkvy.
Za apošnija niekalki tydniaŭ heta ŭžo druhi znos carkvy ŭ Kitai. Tak, u kancy śniežnia biez abviaščeńnia aficyjnych pryčynaŭ byŭ razburany katalicki chram u pravincyi Šeńsi.
Usiaho, pa źviestkach «The Mirror», u Kitai pražyvaje kala 60 miljonaŭ chryścijanaŭ.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary