Top-10 biełaruskamoŭnych piesień-kazak dla darosłych i dziaciej, u jakich schavany ceły suśviet
Kali vy jašče nie čuli pra isnavańnie takoha muzyčnaha prajekta, jak «Ahatka», stvoranaha vakalistkaj hurta «BY CRY» Alaksandraj Hrachoŭskaj, to raim pasłuchać usioj siamjoj i atrymać sapraŭdnuju asałodu ad hetych, na pieršy pohlad, dziciačych piesień, u jakich znojduć šmat sensu i darosłyja.
Alaksandra Hrachoŭskaja viadomaja mnohim jak udzielnica «BY CRY», siońnia hety hurt źjaŭlajecca jaje asnoŭnaj tvorčaj dziejnaściu. Dziaŭčyna taksama pracuje mastackim kiraŭnikom i dyryžoram narodnaha choru vieteranaŭ u Pałacy kultury MAZ. Alaksandra — artystka falkłor-teatra «Hościca» i byłaja ŭdzielnica teatra tanca «Karakuli». Jaje vykanańnie «Svadziebki» Ihara Stravinskaha ŭ składzie «Hościcy» stała adnoj z samych admietnych kulturnych padziej Biełarusi 2008 hoda.
Kali ŭ Alaksandry naradziłasia dačka, jaje tvorčaść pačała novy vitok.
«Z naradžeńniem Ahaty ja aktyŭna pačała šukać biełaruskija dziciačyja pieśni, jakija možna było b davać joj słuchać. Narmalnych znachodziła mała. Byli adziny lubimy «Dzied Baradzied» i zasłuchanyja kałychanki, ale hetaha nie chapała. I ja pačała sama stvarać dziciačyja pieśni. Hety kazačny śviet pryjšoŭsia daspadoby mnie navat bolš, čym dačce. Tam nievierahodna», — raskazvaje Alaksandra.
Maładaja maci źviarnułasia da tvorčaści Andreja Chadanoviča, Ivana Bursava, Siarhieja Novika-Piejuna, Aleha Starynčyka i inšych litarataraŭ, što stvarajuć dziciačuju paeziju, a taksama da narodnych tvoraŭ.
Byŭ čas, kali muzyčny prajekt «Ahatka» isnavaŭ u žyvym składzie: z muzykami i repietycyjami. Siońnia heta bolš «chatni» prajekt: u zapisach na damašniaj studyi ŭdzielničaje sama Saša i jaje šaścihadovaja dačka. U budučyni, kaža Alaksandra, joj chaciełasia b, kab usie dziciačyja pieśni vykonvała vyklučna Ahata. Chacia, kali ščyra, hetyja treki zusim nie vyhladajuć dziciačymi — tut ceły suśviet adkryvajuć dla siabie i darosłyja.
Ciapier Alaksandra i Ahata pracujuć nad stvareńniem muzyčnaj azbuki na vieršy Viktara Kažury: užo zapisali pieśni na A-Je.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary