Pa dadzienych śpiecsłužby, abstalavańnie dla fiermy było kantrabandaj zavieziena z Rasii.
Słužba biaśpieki Ukrainy (SBU) abviaściła ab likvidacyi stvoranych u Kijevie i Čarkasach kryptafierm, dachody ad majninha na jakich pieravodzilisia ŭ samaabvieščanyja Danieckuju i Łuhanskuju narodnyja respubliki («DNR» i «ŁNR»).
Pa dadzienych SBU, abstalavańnie dla fierm było kantrabandaj dastaŭlena z Rasii, a ŭ arhanizacyi ich pracy prymali ŭdzieł hramadzianie Rasiei.
Pa dadzienych śpiecsłužby, častka dachodaŭ nakiroŭvałasia taksama na padtrymku internet-resursaŭ, jakija viaduć antyŭkrainskuju prapahandu.
Hałoŭny vajenny prakuror Ukrainy Anatol Macios paviedamiŭ, što dla pieraličeńnia srodkaŭ vykarystoŭvalisia elektronnyja kašalki «Kivi» i «Jandeks.Hrošy», jakija aficyjna na terytoryi Ukrainy zabaronienyja. Pavodle jaho słoŭ, ahulny košt kanfiskavanaha pry pieratrusach abstalavańnia aceńvajecca prykładna ŭ $ 4 młn, pry hetym za spažyvanuju elektraenierhiju «fiermiery» nie płacili.
«Padčas pieratrusu pa miescy faktyčnaha raźmiaščeńnia «fierm», u tym liku ŭ Čarkasach, ŭstanoŭlena niesankcyjanavanaja ŭrezka ŭ ahulnuju sietku elektraenierhii, tak zvanyja elektronnyja ličylniki, pa vynikach jakoha zafiksavana nieapłata za vykarystanuju elektraenierhiju, jakaja składaje da 800 tysiač hryŭniaŭ za miesiac», - zajaviŭ hałoŭny vajenny prakuror Ukrainy Anatol Macios padčas bryfinhu.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary