Pravaabaronca Levinaŭ padaŭ u sud na Mininfarm za błakavańnie sajta «Chartyja'97»
Viciebski pravaabaronca Pavał Levinaŭ u skarzie ŭ sud Centralnaha rajona Minska zaznačaje, što błakavańnie infarmacyjnaha resursu parušaje jahonaje prava na atrymańnie infarmacyi i źjaŭlajecca niedapuščalnym abmiežavańniem svabody dumki i jaje vykazvańnia, supiarečyć pałažeńniam Mižnarodnaha paktu ab hramadzianskich i palityčnych pravoch dy Kanstytucyi, piša Radyjo Svaboda
Pavał Levinaŭ piša, što rašeńnie pra abmiežavańnie dostupu da sajta pryniata nibyta tamu, što «Chartyja» raźmiaściła niejkuju infarmacyju, raspaŭsiud jakoj zabaronieny art.38 Zakona «Ab ŚMI». Adnak ministerstva nidzie nie patłumačyła, jakija mienavita materyjały stali padstavaj dla błakavańnia, i nie spasłałasia na sudovyja rašeńni abo pastanovy inšych orhanaŭ nakont abmiežavańnia dostupu da resursu.
Pavieł Levinaŭ piša, što jon źjaŭlajecca stałym čytačom sajta «Chartyja'97», i raźličvaje na abaronu svaich intaresaŭ sudom Centralnaha rajona Minska, nahadvajučy, što «artykuł 60 Kanstytucyi harantuje kožnaj asobie abaronu jahonych pravoŭ kampetentnym i niezaležnym sudom».
U dasłanaj u sud skarzie jon prosić pryznać, što rašeńnie Ministerstva infarmacyi parušaje jahonyja pravy i patrabuje admianić hetaje rašeńnie. A taksama pradjavić źviestki pra padstavy dla rašenia błakavać infarmacyjny resurs.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak35
Kamientary