Mižnarodnyja reziervovyja aktyvy Respubliki Biełaruś na 1 lutaha 2018 hoda, pa papiarednich danych, skłali 6 477,4 młn. dalaraŭ ZŠA (u ekvivalencie), paviedamlaje pres-słužba Nacbanka
Za studzień 2018 hoda zołatavalutnyja reziervy źnizilisia na 837,9 młn. dalaraŭ ZŠA (na 11,5 pracenta).
Źnižeńnie ŭzroŭniu mižnarodnych reziervovych aktyvaŭ pa vynikach studzienia abumoŭlena płanavym pahašeńniem Uradam i Nacyjanalnym bankam Respubliki Biełaruś źniešnich i ŭnutranych abaviazacielstvaŭ u zamiežnaj valucie na ahulnuju sumu kala 1,4 młrd. dalaraŭ ZŠA, ź jakich 835,8 młn. dalaraŭ ZŠA skłali abaviazacielstvy Respubliki Biełaruś pa dziaržaŭnych ablihacyjach, raźmieščanych na mižnarodnym finansavym rynku.
Padtrymańniu ŭzroŭniu zołatavalutnych reziervaŭ u studzieni spryjali pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty, pastupleńnie srodkaŭ ad prodažu Nacyjanalnym bankam i Ministerstvam finansaŭ ablihacyj, naminiravanych u zamiežnaj valucie. Stanoŭčy ŭpłyŭ na ŭzrovień reziervaŭ taksama akazała pavieličeńnie koštu manietarnaha zołata.
Za 2017 hod zołatavalutnyja reziervy Respubliki Biełaruś u vyznačeńni SSRD MVF pavialičylisia na 2,4 młrd. dalaraŭ ZŠA (na 48,5 pracenta) — da 7 315,3 młn. dalaraŭ ZŠA (u ekvivalencie).
Zhodna z Asnoŭnymi napramkami hrašova-kredytnaj palityki na 2018 hod abjom mižnarodnych reziervovych aktyvaŭ na 1 studzienia 2019 hoda z ulikam pahašeńnia Uradam Respubliki Biełaruś i Nacyjanalnym bankam unutranych i źniešnich abaviazacielstvaŭ u zamiežnaj valucie pavinien skłaści nie mienš za 6 młrd dalaraŭ ZŠA.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk22
Kamientary