Paśla błakavańnia «Chartyi'97» u Biełarusi ŭskładniŭsia dostup da papularnych ananimajzieraŭ
Užo dva tydni ŭ Biełarusi zabłakavany sajt «Chartyja'97». Ale mnohija stałyja čytačy praciahvajuć naviedvać jaho, vykarystoŭvajučy ananimajziery — servisy, jakija dazvalajuć trapić na patrebny resurs abychodnym šlacham.
Miž tym apošnimi dniami biełarusy stali zaŭvažać, što niekatoryja papularnyja ananimajziery pierastali adkryvacca. Staronki z takimi sajtami spačatku praciahły čas biespaśpiachova zahružajucca, paśla čaho braŭzer vydaje paviedamleńnie ab tym, što siervier nie adkazvaje. Heta kaža pra toje, što aficyjna ananimajziery ŭsio ž nie zabłakavanyja.
Ale na momant napisańnia artykuła my nie zmahli trapić na nastupnyja papularnyja biaspłatnyja sajty-ananimajziery:
- cameleo.xyz / cameleo.ru
- noblockme.ru
- 4everproxy.com
Usie jany znachodziacca ŭ topie pošukavych zapytaŭ.
Ci mohuć ułady praz pravajderaŭ uskładniać dostup da hetych sajtaŭ?
Pavodle prahramista Sievy Šašaryna, da jakoha my źviarnulisia pa kamientar, heta mahčyma: sposabaŭ dla ŭskładnieńnia dostupu isnuje šmat, i hałoŭnaje tut — fantazija.
«Ale moža być i takoje, što biełarusy raptam masava pačali karystacca hetymi ananimajzierami, i ich administratary adklučyli dostup dla našaha rehijona, kab paźbiehnuć pierahruzki sajta», — skazaŭ spadar Šašaryn.
Nahadajem, rašeńnie ab błakiroŭcy sajta «Chartyja'97» było pryniata Ministerstvam infarmacyi. U paviedamleńni viedamstva śćviardžałasia, što na resursie publikavalisia materyjały, «jakija źmiaščajuć infarmacyju, raspaŭsiud jakoj zdolny nanieści škodu nacyjanalnym intaresam Biełarusi».
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?83
Kamientary