63-hadovy Anvar Masalimaŭ byŭ vyzvaleny z kałonii «Palarnaja sava», jakaja znachodzicca na Poŭnačy Rasii, za Palarnym kruham.
Jon byŭ sudzimy jašče ŭ savieckija časy za zabojstva, siadzieŭ 15 hadoŭ.
Paśla vychadu na volu ŭ 1991 hodzie Masalimaŭ zabiŭ piensijaniera: zadušyŭ, siakieraj razrubiŭ cieła. Častki vykinuŭ u prybiralniu na vulicy, a hałavu pakłaŭ u hrubku i spaliŭ. Paśla kavałki miasa ŭ prybiralni zaŭvažyła susiedka — Masalimava zatrymali. Toj vinu pryznaŭ častkova, maŭlaŭ, zabiŭ, ale vypadkova, prosta nadta mocna ŭdaryŭ. A paśla ŭžo spužaŭsia, tamu i pazbaviŭsia ad cieła.
Anvara Masalimava asudzili da vyšejšaj miery. Niekalki hadoŭ jon čakaŭ rastrełu, adnak u Rasii admianili śmiarotnaje pakarańnie, i jon atrymaŭ pažyćciovaje źniavoleńnie.
Adsiadzieŭšy 25 hadoŭ, takija złačyncy majuć prava na ŭmoŭna-daterminovaje vyzvaleńnie. A Masalimaŭ jašče i zmoh praz skarhi pierakvalifikavać svajo abvinavačvańnie, vykraśliŭšy z prysudu aciahčajučyja abstaviny.
U vyniku jon zmoh atrymać umoŭna-daterminovaje vyzvaleńnie.
Sam Masalimaŭ z Kazani, tam u jaho siastra. Jon adpisaŭ siastry ŭsiu majomaść — bo dumaŭ, što budzie siadzieć usio žyćcio.
Ale paśla vyzvaleńnia Masalimaŭ pajechaŭ u Maskvu, u adrasie vybyćcia paznačany pravasłaŭny chram. U kałonii jon kazaŭ, što na voli staŭ by manacham. Žurnalisty «Maskoŭskaha kamsamolca» pahavaryli sa śviatarom chrama — Masalimaŭ byŭ u jaho, ale zastavacca nie zachacieŭ. Tady śviatar nakiravaŭ Anvara ŭ prytułak dla biazdomnych.
Da prytułku toj tak i nie dabraŭsia. Siońnia los Anvara Masalimava nieviadomy.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary