Udary pa abjektach u Siryi, jakija izrailskija vajskoŭcy ažyćciavili ŭ subotu, 10 lutaha, stali najbujniejšaj apieracyjaj izrailskich VPS suprać SPA Siryi z 1982 hoda. Pra heta, jak paviedamlaje Haaretz, zajaviŭ načalnik štaba izrailskich VPS hienierał Tamier Bar.
Izrailskija vajskoŭcy zajavili, što nanieśli ŭdar pa 12 celach u Siryi, u tym liku pa čatyroch siryjskich abjektach SPA i čatyroch iranskich abjektach paśla krušeńnia samalota F-16.
«Heta — poŭny apieracyjny pośpiech, heta było najbujniejšaj atakaj na siryjskija sistemy supraćpavietranaj abarony z časoŭ «Miru Halilei», — pieradała słovy Bara pres-słužba Armii abarony Izraila.
Izrailskija samaloty raspačali pieršy nalot na siryjskija abjekty paśla taho, byŭ źbity iranski bieśpiłotnik, jaki parušyŭ pavietranuju miažu Izraila z boku Siryi. Iran admaŭlaŭ, što jaho bieśpiłotnik zalacieŭ na terytoryju Izraila. Pa słovach Bara, dron pralacieŭ nad terytoryjaj Izraila nie bolš za paŭtary chvilin, paśla čaho byŭ źbity ź viertalota.
Padčas nalotu izrailskich samalotaŭ na abjekty ŭ Siryi adzin ź ich byŭ źbity siryjskaj rakietaj. Piłoty F-16 katapultavalisia, mašyna ŭpała na terytoryi Izraila. Paśla hetaha izrailcianie raspačali druhuju masiravanuju ataku, metaj jakoj stali 12 abjektaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary