«Čynoŭniki razhublenyja»: Sieviaryniec raspavioŭ, jak schadziŭ u Minkult nakont Kurapataŭ
Abaroncaŭ Kurapataŭ zaprasili ŭ Ministerstva kultury zranku 20 červienia, kab abmierkavać situacyju z adkryćciom restarana «Pajedziem pajadzim» za 50 mietraŭ ad miesca pachavańnia dziasiatkaŭ tysiačaŭ zabitych u čas stalinskich represijaŭ. Ale ŭ Minkulcie abaroncy «adčuli biurakratyčny lod», skazaŭ Radyjo Svaboda Sieviaryniec.
«Čynoŭniki razhublenyja, jany nie viedajuć, što rabić, — zajaviŭ adzin ź lideraŭ pratestaŭ Pavieł Sieviaryniec žurnalistam pa vynikach sustrečy. — Alaksandr Jacko, namieśnik ministra, ničoha pa fakcie nie skazaŭ, ci budzie rabić Ministerstva kultury štości ŭ situacyi z Kurapatami».
Astatnija prysutnyja na sustrečy — u tym liku Hanna Šapućka i Uładzimir Ramanoŭski — pahadžalisia z pazicyjaj sustaršyni Biełaruskaj chryścijanskaj demakratyi.
Na dumku Sieviarynca, abaroncaŭ vyklikali ŭ ministerstva prosta kab «pakazać, što jany niejkim čynam udzielničajuć», ale na samoj spravie tolki spasyłalisia na biurakratyčnyja pracedury i jurydyčnyja detali. Na jahonuju dumku, čynoŭniki «adčuvajuć adkaznaść za karupcyjnuju schiemu, praviedzienuju praź Ministerstva kultury, i bajacca, što heta ŭsio vypłyvie».
-
Što z vyjezdam ź Biełarusi ŭ ES hetym letam?
-
Vice-hubiernatar Homielščyny pra incydent pad Branskam: Pieravozčyki vybrali niebiaśpiečny maršrut praktyčna ŭ pryfrantavoj zonie
-
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary