U Žodzinie zatrymali 35-hadovaha minčuka, jaki apošnija dva hady žyŭ u lesie. Jak paviedamlaje MUS, jon znachodziŭsia ŭ vyšuku za machlarstva ŭ asabliva bujnym pamiery.
Minčuk mieŭ zaležnaść ad ihralnych aŭtamataŭ. Ź ciaham času jon zalez u pazyki. Kinuŭ siamju, ź ciaham času raźvitaŭsia i ź siabrami. Uziaŭ bujny kredyt u banku, ale adyhracca tak i nie zdoleŭ.
U vyniku mužčyna staŭ padazravanym pa spravie ab machlarstvie ŭ asabliva bujnym pamiery, za što i byŭ abvieščany ŭ miždziaržaŭny vyšuk. Tady i syšoŭ u les. Milicyja adznačaje, što jaho vybar byŭ dobraachvotnym — mužčyna nie chacieŭ turbavać rodnych.
Jon pabudavaŭ svajo schovišča niedaloku ad stajanki fur, dzie kiroŭcy časam pakidali ježu. Aproč taho, łaviŭ rybu, źbiraŭ hryby, čarnicy — časam pradavaŭ ich vypadkovym ludziam. Pryčym adznačajecca, što hrošy na ałkahol nie traciŭ.
Adnak u kryminalnuju historyju ŭsio ž trapiŭ jašče raz: vyrvaŭ z ruk žycharki Žodzina zaplečnik, u jakim byŭ kašalok z bankaŭskimi kartkami. Kamiera bankamata zafiksavała tvar minčuka.
Adnojčy mužčyna ŭsio ž trapiŭsia na vočy milicyi. Kursant Akademii MUS Juryj Čyžankoŭ vyličyŭ jaho pa śpiecyfičnaj maniery našeńnia kiepki. Jon vyklikaŭ padmacavańnie, i mužčynu zatrymali.
Kamientary