U Rečycy na aktyvista zaviali kryminalnuju spravu za nibyta paklop na čynoŭnika
Rečyckaha aktyvista Aleha Šabietnika padazrajuć u paklopie na načalnika rajonnaj inśpiekcyi kamiteta pryrodnych resursaŭ i achovy navakolnaha asiarodździa Mikałaja Maisiejenki, paviedamlaje «Biełaruskaja asacyjacyja žurnalistaŭ».
Kryminalnuju spravu pavodle č. 2 art. 188 Kryminalnaha kodeksa zaviali paśla nieadnarazovych zvarotaŭ Maisiejenki. Aleh Šabietnik z advakatam pabyvaŭ na pieršym dopycie.
Kanflikt pamiž pradprymalnikam Šabietnikam i čynoŭnikam adbyŭsia jašče 27 śniežnia minułaha hoda, paśla čaho aktyvist kampanii «Havary praŭdu» apisaŭ situacyju na svajoj staroncy ŭ Facebook. Šabietnik zajaviŭ pra pahrozy i niezakonnyja patrabavańni z boku Maisiejenki i aproč paviedamleńnia ŭ sacyjalnaj sietcy napisaŭ zajavu ŭ pravaachoŭnyja orhany.
Pavodle jaho słoŭ, historyja tady praciahu nie zajmieła, ale bolš čym praz pałovu hoda Śledčy kamitet raspačaŭ kryminalnuju spravu na samoha Šabietnika za paklop.
— Moj post da hetaha času jość na Facebook, i ja nie źbirajusia jaho vydalać. Usio, što ja napisaŭ, praŭda. Byli pahrozy, heta mohuć paćvierdzić maje supracoŭniki, jakija prysutničali padčas vizitu čynoŭnika. Razam z tym, paśla nieadnarazovych zvarotaŭ Maisiejenki kryminalnuju spravu ŭsio ž zaviali. Dva dni tamu ja byŭ na pieršym dopycie, dzie padrabiazna vykłaŭ śledčamu svaju pazicyju i svaje dokazy, — raspavioŭ aktyvist pres-słužbie HA «Biełaruskaja asacyjacyja žurnalistaŭ».
Častka 2 artykuła 188 Kryminalnaha kodeksa praduhledžvaje pakarańnie ŭ vyhladzie štrafu, papraŭčych rabot, aryštu albo abmiežavańnia voli na termin da troch hadoŭ.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie4
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary