Hrodzieniec Andrej Makaraŭ 26 lipienia vykłaŭ u internet videa, u jakim pakazaŭ, čym zasypajuć krejdavyja karjery na ŭskrainie horada. Siarod budaŭničaha hruntu šmat bytavoha i pramysłovaha śmiećcia.
«Tam nie tolki budaŭničaje śmiećcie, ale i płastyk. Usio heta ŭ budučyni laža na dno i ŭmacujecca płastami hleby, — kaža Andrej. — Heta budzie hnić vielmi doŭha. Niejkija materyjały pad ziamloj naohuł zastanucca nazaŭždy. Ščyra kažučy ŭžo nadakučyła zmahacca z hetym ekałahičnym biazładziem, ale ŭ lubym vypadku ruka listy pisać nie pierastanie. Jakim čynam akramia hruntu, vypracavanaha pry budaŭnictvie, siudy traplaje płastyk, bytavyja i pramysłovyja adchody — pytańnie zastajecca adkrytym?»
Zasypać krejdavyja karjery budaŭničym śmiećciem vyrašyŭ Hrodzienski harvykankam 9 hadoŭ tamu. U miežach rekultyvacyi ich buduć zasypać, pakul vada nie pierastanie vychodzić na pavierchniu.
Vada hetych adpracavanych karjeraŭ nieprydatnaja dla kupańnia, kažuć ekołahi. A budaŭničaje śmiećcie padzieć niama kudy. Da niadaŭniaha času jaho vyvozili za 30 kiłamietraŭ, tamu vyrašyli zekanomić. Na miescy zasypanych karjeraŭ mohuć pasadzić les.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary