Milicyja znajšła aŭtaraŭ videa, na jakich čałaviek u mascy i ź bienzapiłoj błukaŭ pa viečarach u Kryčavie. Pra heta paviedamlaje UUS Mahiloŭskaha abłvykankama.
«Videarolik i fota my znajšli 21 lipienia i pačali pravieračnyja mierapryjemstvy. Milicyjanty ŭstanavili troch 18-hadovych chłopcaŭ, žycharoŭ Kryčava», — paviedamiŭ v.a. načalnika Kryčaŭskaha RAUS major milicyi Andrej Łazakovič.
Maładyja ludzi zarehistravali akaŭnt na Instagram, nazvaŭšy jaho imieniem Džona Kramiera, viadomaha halivudskaha kinahieroja — sieryjnaha zabojcy ŭ žanry filma žachaŭ.
«Ideja zdymacca ŭ vobrazie hetaha piersanaža naležyć adnamu ź siabroŭ. Jon ža kupiŭ u internecie adpaviednuju masku. Mienavita ŭ joj z zaviedzienaj bienzapiłoj kryčaŭcy zdymali svaje roliki i fota poźnim viečaram u lipieni kala SŠ № 8 u mikrarajonie Kamsamolskim i ŭ rajonie čyhunačnaha vakzała ŭ Kryčavie, a zatym raźmiaścili ich u svaim zapisie. Adzin hraŭ hałoŭnuju rolu, druhi zdymaŭ usio na mabilny telefon i razvoziŭ kampaniju na aŭtamabili, treci dapamahaŭ u zdymkach», — raspaviali ŭ milicyi.
Paśla taho jak ich znajšli, chłopcy va ŭsim pryznalisia i ciapier zapeŭnivajuć, što zdymali ŭ biaźludnych miescach u poźni čas — usio rabili «dziela chajpu, łajkaŭ i padpisčykaŭ u sietcy».
Kryčaŭskim RAUS u dačynieńni da troch kryčaŭcaŭ pravodzicca pravierka, pa vynikach jakoj ich dziejańniam daduć pravavuju acenku.
Učora žychary Kryčava byli zaniepakojenyja źjaŭleńniem na vulicy chłopca ŭ mascy i ź bienzapiłoj — jon pałochaŭ minakoŭ źniešnim vyhladam, ale nikoha nie čapaŭ. Mierkavałasia, što heta padletak.
— Učora ŭ «storys» jon vykłaŭ videa, dzie prasiŭ prabačeńnia, kali kahości napałochaŭ. Skazaŭ nie rabić tak, nie paŭtarać jaho pamyłak, bo za heta jość kryminalnaja i administracyjnaja adkaznaść, — raspaviała miascovaja žycharka.
Sam uładalnik akaŭnta ŭ Instagram, u jakim byli raźmieščany fota i videa «Džona Kramiera z Kryčava», adkazaŭ TUT.BY, što nie suprać parazmaŭlać, ale infarmacyja — płatnaja.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary