Prajekt zakona, jaki abjaŭlaje Kampartyju Litvy (KPŁ) złačynnaj arhanizacyjaj, padrychtavali i pradstavili na pres-kanfierencyi deputaty ad apazicyjnaj kansiervatyŭnaj partyi «Sajuz Ajčyny — Chryścijanskija demakraty» Aŭdronius Ažubalis i Łaŭrynas Kasčunas, piša tass.ru.
Pa słovach inicyjataraŭ, heta vyrašyć prablemu adkaznaści Kampartyi jak jurydyčnaj asoby za dziejnaść na škodu Litvie.
«Padrychtavany zakonaprajekt naležnym čynam acenić savieckaje minułaje i pasłužyć adnaŭleńniu histaryčnaj spraviadlivaści», — skazaŭ Ažubalis.
Aŭtary dakumienta prapanujuć uvieści abaviazak dla tych, chto bałatujecca na vybarach usich uzroŭniaŭ, paznačać kankretnuju pasadu, kali jany jaje zajmali, a nie byli radavymi členami, u sistemie Kampartyi Litvy. Heta zakranie taksama tych, chto ŭdzielničaje ŭ konkursach na zamiaščeńnie vakansij na dziaržaŭnaj i dypłamatyčnaj słužbie. Jany adznačyli, što heta nie paciahnie za saboj sankcyj.
Na pytańnie, čamu padobny zakonaprajekt padajecca mienavita ciapier, a nie tady, kali kansiervatary byli va ŭładzie i im było b lahčej jaho prasoŭvać, apazicyjaniery adkazali, što ciapier nadyšoŭ čas. «Hramadstva i palityčnyja partyi tady nie saśpieli da takoha kroku», — skazaŭ Ažubalis.
U saviecki pieryjad KPŁ była składovaj častkaj Kamunistyčnaj partyi Savieckaha Sajuza (KPSS). U 1989 hodu KPŁ vyjšła z KPSS, adnak adbyŭsia raskoł. Samastojnaja KPŁ z 1990 hoda stała nazyvacca Demakratyčnaj partyjaj pracy, u 2001 hodzie złučyłasia z Sacyjał-demakratyčnaj partyjaj i pryniała jaje nazvu. Druhoje kryło da zabarony ŭ 1991 hodzie dziejničała ŭ jakaści tak zvanaj Kampartyi Litvy na płatformie KPSS.
Ciapier čytajuć
Siarhiej Cichanoŭski pierabraŭsia žyć u Łos-Andželes54
Kamientary