Skidki, jakija ŭviała Rasijskaja čyhunka (RČ) na pieravozku biełaruskich naftapraduktaŭ u rasijskija party, z pačatku hoda pryciahnuli na sietku tolki kala 300 tysiač ton hruzaŭ, zajaviŭ žurnalistam dyrektar RČ pa kamiercyjnaj dziejnaści Alaksiej Šyła, paviedamlaje TASS.
«Ich raniej było nul, ciapier kala 300 tysiač my pieravieźli. My sa svajho boku toje, što mahli ŭ ramkach svaich mahčymaściaŭ dać — my dali. Heta značyć, tam jość skidka i na hružany, i na pusty rejs, i siońnia RČ ruchacca dalej (u bok źnižeńnia taryfu — TASS) prosta nie moža», — adznačyŭ Šyła.
300 tysiač ton naftapraduktaŭ — mizernaja kolkaść na fonie miljonaŭ ton, jakija pastaŭlajucca praz bałtyjskija party. Vidavočna, što Biełaruś, navat niahledziačy na skidku ad RČ, nie źbirajecca traplać u zaležnaść ad rasijskich partoŭ.
Raniej vice-premjer Biełarusi Uładzimir Siamaška kazaŭ, što kraina nie budzie pieraaryjentavać pastaŭki svaich naftapraduktaŭ z partoŭ krain Bałtyi, ale budzie hatovaja ŭ 2018 hodzie ekspartavać da 1 miljona ton naftapraduktaŭ praz party Rasii pry ekanamičnaj metazhodnaści.
Kiraŭnik RČ Aleh Biełazioraŭ prainfarmavaŭ Pucina ab tym, što biełaruskija NPZ admaŭlajucca ad pasłuh RČ na karyść bałtyjskaj infrastruktury, niahledziačy na 50% skidki dla pieravozki ź biełaruskich NPZ.
Kamientary