Dvuchmiesiačnaje dzicia pamierła 13 žniŭnia ŭ Hancavickaj rajonnaj balnicy. Pavodle papiarednich danych, rezkaje paharšeńnie zdaroŭja, jakoje pryviało da śmierci niemaŭlaci, vyklikała reakcyja na płanavuju pryščepku.
Jak rastłumačyŭ hałoŭny doktar «Hancavickaj CRB» Vadzim Saško, pryščepku rabiŭ miedycynski rabotnik Aharevickaj ambułatoryi, jaki vyjazdžaŭ dla ahladu dziaciej i praviadzieńnia pracedur na FAP u viosku Vialikija Kruhovičy. Pavodle słoŭ hałoŭnaha doktara, bryhada chutkaj dapamohi pryjechała ŭ samyja karotkija terminy. Lekary rabili ŭsio mahčymaje, ale vyratavać dzicia nie ŭdałosia.
«My sami ŭsie šakavanyja, što takoje zdaryłasia. Pryščepki dzieciam zaŭsiody robiać vopytnyja miedrabotniki, jak taho patrabujuć normy Ministerstva achovy zdaroŭja. I ŭ hety raz pryščepku dziciaci rabiŭ miedrabotnik, jaki prapracavaŭ 30 hadoŭ, i nikoli nijakich nie było narakańniaŭ, — skazaŭ Vadzim Uładzimiravič. — Dzicia absalutna zdarovym było… Što zdaryłasia — heta pavinny ŭžo vyśvietlić ekśpierty».
Kamientary