U čaćvier nieviadomy ździejśniŭ napad z nažom u horadzie Trap kala Paryža, paviedamlaje Deutsche Welle.
U vyniku napadu zahinuli dva čałavieki, jašče adzin atrymaŭ surjoznyja paškodžańni. Jak zajaviła pradstaŭnica palicyi, złačynca «niejtralizavany». Pa dadzienych šerahu ŚMI, napadnik byŭ zabity. Pra asobu złačynca i matyvy jaho dziejańniaŭ pakul nie paviedamlajecca.
Napad adbyŭsia ranicaj u čaćvier na vulicy. Paśla hetaha mužčyna schavaŭsia ŭ adnym z damoŭ, ale potym vyjšaŭ vonki, paśla čaho byŭ sustrety palicejskimi. Ministr unutranych spraŭ Francyi Žerar Kałomb adznačyŭ chutkuju reakcyju śpiecsłužbaŭ.
Śledčyja pakul prytrymlivajucca dumki, što havorka idzie ab siamiejnym kanflikcie, a ŭsie zahinułyja byli svajakami napadnika. Francuzskaja teleradyjokampanija BFMTV pieradaje, biez ukazańnia dakładnaj krynicy infarmacyi, što napadnik byŭ viadomy śpiecsłužbam i palicyi z-za radykalnych pohladaŭ, a taksama što jon padčas ździajśnieńnia złačynstva vykrykvaŭ frazy na arabskaj movie. Pakul ni adna ź viersij aficyjna nie paćvierdžana.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy8
Kamientary