Termin sanacyi AAT «Kirujučaja kampanija chołdynhu «Zabudova» praciahnuty da 15 lipienia 2023 hoda. Heta praduhledžana pastanovaj Saŭmina № 669 ad 13 vieraśnia, piša tut.by.
Urad uzhadniŭ chadajnictva Minskaha abłvykankama.
Sanacyja «Zabudovy» pačałasia ŭ listapadzie 2015 hoda. U 2017 Ekanamičny sud Minskaj vobłaści praciahnuli termin sanacyi da 19 lipienia 2018. Sud nie zadavoliŭ chadajnictva «Minskenierha» pra pačatak likvidacyjnaj vytvorčaści «Zabudovy».
Sanacyja - heta nie bankructva, kali majomaść sychodzić z małatka. Sanacyja - heta finansavaje azdaraŭleńnie, rasterminoŭka pahašeńnia daŭhoŭ «Zabudovy», padkreślivali na pradpryjemstvie.
Asnoŭnym vidam dziejnaści «Zabudovy», u jakoj dziaržavie naležyć 63% akcyj, źjaŭlajecca vytvorčaść ścienavych błokaŭ. Vyručka kampanii ŭ 2017 hodzie skłała 21,3 młn rubloŭ, straty ad realizacyi - 516 tys. rubloŭ, čystyja straty - za 1,2 młn rubloŭ. U «Kirujučaj kampanii chołdynhu «Zabudova», jakaja znachodzicca ŭ pasiołku Čyść Maładziečanskaha rajona, pracuje bolš za 600 čałaviek, vynikaje z spravazdačnaści kampanii.
Kamientary