U pracy płaciežnych terminałaŭ adbylisia zboi. U niekatorych kramach i na zapraŭkach nie prymajuć kartki
U Biełarusi źjavilisia prablemy ŭ pracy niekatorych płaciežnych terminałaŭ. Čytačy tut.by paviedamlajuć, što z-za zbojaŭ adčuvajuć składanaści pry apłacie tavaraŭ i pasłuh bankaŭskimi kartkami, u tym liku ŭ handlovych sietkach i na aŭtazapraŭkach.
- U Minsku na Uschodzie i va Uruččy nie absłuhoŭvajucca bankaŭskija karty ŭ bankamatach i kramach, - paviedamlaje adzin z karystalnikaŭ. Inšy karystalnik adznačaje, što «žonka nie zmahła tałončyki na tralejbus kupić u «Biełsajuzdruku». «U «Zamkadździ» taksama ŭ kramie terminały nie pracujuć», — paviedamlaje jašče adzin karystalnik.
Čytačy taksama adznačajuć, što nie mohuć raźličycca bankaŭskaj kartkaj u niekatorych handlovych sietkach, a taksama na aŭtazapraŭkach. Ab prablemach paviedamlajuć žychary Minska i Homiela.
- U «Jeŭraopcie» advalilisia płaciažy pa kartach, - adznačaje karystalnik.
Tak, u koł-centry handlovaj sietki «Jeŭraopt» paćvierdzili, što na praciahu dnia adznačajucca techničnyja zboi ŭ pryjomie apłat bankaŭskimi kartkami, prablemy paŭstali nie tolki ŭ Minsku.
U koł-centry bankaŭskaha pracesinhavaha centra patłumačyli, što zboi adbylisia z terminałami firmy «Tuson».
- Prablemy z terminałami nazirajucca. Kali buduć likvidavanyja zboi - my nie majem infarmacyi. Zboi adbylisia z terminałami firmy «Tuson», - rastłumačyli ŭ koł-centry bankaŭskaha pracesinhavaha centra.
Apieratyŭna źviazacca z pradstaŭnikami kampanii «Tuson» u niadzielu ŭviečary nie ŭdałosia. Na sajcie kampanii havorycca, što siarod jaje klijentaŭ - banki, roźničnyja kramy, kramy-składy, sietki aptek, restarany, bary, kaviarni.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki3
Kamientary