Zasnavalnik WikiLeaks Džulijan Asanž u 2010 hodzie padavaŭ dakumienty na rasijskuju vizu, paviedamiła ahienctva Associated Press. Z adpaviednym zapytam Asanž źviarnuŭsia ŭ rasijskaje konsulstva ŭ Łondanie.
U materyjale AP adznačajecca, što Asanž sprabavaŭ atrymać vizu ŭ Rasiju ŭ pieryjad, kali sutyknuŭsia z abvinavačvańniami ŭ seksualnych damahańniach u Šviecyi.
Raniej WikiLeaks abvinavacili ŭ suviaziach z rasijskimi ŭładami, nahadvaje ahienctva. Tak, u FBR zajaŭlali, što rasiejskaja raźviedka pieradała Wikileaks skradzienyja šlacham chakierskaha ŭzłomu elektronnuju pierapisku kandydata ŭ prezidenty ad Demakratyčnaj partyi Chiłary Klintan u 2016 hodzie, a taksama ad inšych publičnych demakratyčnych dziejačaŭ.
Džulijan Asanž taksama płanavaŭ ŭcioki, vynikaje z materyjału AP. Jaho pamočniki šukali varyjanty prytułku za miažoj. U adnoj sa słužbovych unutranych zapisak kaleham WikiLeaks advakat pa pravach čałavieka Renata Aviła paviedamlała, što «jość mahčymaść biehčy z krainy na brazilskim karabli». Tym nie mienš, były ministr justycyi Brazilii Eduarda Kardoza paviedamiŭ AP, što nikoli nie čuŭ pra zapyt prytułku dla Asanža.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary