Lavon Volski abviaściŭ kraŭdfandynh na novy studyjny albom «Hravitacyja», jaki maje stać zaklučnaj častkaj tryłohii, raspačataj dyskami «Hramadaznaŭstva» (2014) i «Psichasamatyka» (2016).
Abviestka zroblena roŭna praz dva hady z vychadu papiaredniaha alboma «Psichasamatyka», jaki taksama byŭ zapisany na hrošy, sabranyja praz kraŭdfandynh. Ale hetym razam vybar łotaŭ bolš raznastajny: ad dyskaŭ i atrybutyki da žyvapisu i žyvoha kancerta Lavona Volskaha. Asablivaść kampanii ŭ tym, što ahulnaja suma zboru nie ŭkazvajecca.
Dyjapazon koštu łotaŭ — ad 5 da 5000 rubloŭ. Adzin z najbolš cikavych — mahčymaść atrymać svoj mastacki partret u vykanańni Lavona Volskaha — budzie kaštavać 1000 rubloŭ. Jość i bolš tannyja varyjanty — dadać u svaju chatniuju kalekcyju žyvapis ci hrafiku muzyki. Aznajomicca z łotami i paŭdzielničać u kraŭdfandynhu možna pa spasyłcy.
Jak i papiarednija dva dyski, novy prajekt zapisany ŭ Vilni z narviežskim saŭndpradusaram Snore Bierhierudam i zaraz znachodzicca na zaviaršalnaj stadyi.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami7
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary