Redaktar «NN» na BT: Zisier i Zołatava zasłuhoŭvajuć zvańnia Hieroja Biełarusi, a nie kryminalnaj spravy VIDEA
Upieršyniu za doŭhi čas u «Kłub redaktaraŭ» na «Biełaruś-1» zaprasili redaktara «Našaj Nivy». Hałoŭnaj temaj havorki stała ŭviadzieńnie sms-identyfikacyi kamientataraŭ.
Jahor Marcinovič asudziŭ novaŭviadzieńni ŭ Zakon ab ŚMI, datyčnyja pravił kamientavańnia. Na jahonuju dumku, ad ich vyjhrajuć tolki firmački, jakija zajmajucca rassyłkaj sms.
«U realnym žyćci ludzi vielmi žorstka krytykujuć čynoŭnikaŭ, palitykaŭ i hramadskich dziejačoŭ», — zaŭvažyŭ Marcinovič.
Astatnija ŭdzielniki prahramy, u tym liku ministr infarmacyi Alaksandr Karlukievič, uviadzieńnie sms-identyfikacyi dla kamientataraŭ chvalili.
U toj ža čas Marcinovič padtrymaŭ uviadzieńnie kvoty na dolu nacyjanalnaha kantentu na telekanałach. «Ja pabačyŭ, što z efiru ANT prapała ahresiŭnaja rasijskaja prahrama «Čas pakaža». Vydatna, zdaraviejšaja budzie psichika biełarusaŭ, — skazaŭ Marcinovič, na što Davydźka adreahavaŭ uśmieškaj. — A kali prybrać z efiru STV hetyja šakujučyja hipotezy, što Ziamla płoskaja, to budzie ŭdvaja lepš», — dadaŭ redaktar «Našaj Nivy», źviartajučysia da prysutnaha kiraŭnika hetaha telekanała Łuckaha.
«Heta istotnaja ŭstanoŭka, što my pavinny žyć prablemami Biełarusi. Nam nie treba intervju ŭ prajm-tajm z Malikavym, pakličcie Aleksijevič», — zaŭvažyŭ redaktar «Našaj Nivy».
Jahor Marcinovič zaklikaŭ aktyŭniej stvarać nacyjanalnuju infarmacyjnuju prastoru i adznačyŭ rolu Tut.baja ŭ hetym, pieravioŭšy razmovu na skandalnuju «Spravu BiełTA».
«My pavinny skazać dziakuj, što biez kapiejki dziaržaŭnych hrošaj ludzi, patryjoty, zmahli stvaryć taki partał. Ministerstva infarmacyi mahło b chadajničać, kab Zisieru i Zołatavaj dali orden, a to i zvańnie Hieroja Biełarusi za ŭniosak u infarmacyjnuju biaśpieku krainy, a my bačym nie orden, a kryminalnuju spravu. My pavinny hanarycca tym, što infarmacyjny paradak dnia vyznačaje nie Jandeks, a svaje biełaruskija ŚMI», — skazaŭ Marcinovič.
«Jany heta ŭzraścili na čužym kantencie!» — piarečyŭ redaktar «Biełarusi siehodnia» Dźmitryj Žuk.
U prahramie havorka išła taksama pra kanflikt homielskaha błohiera Filipoviča i pažarnaha, a taksama pra krytyku deputatkaj Hannaj Kanapackaj faktyčnaj manapalizacyi dostupu da infarmacyi hrupaj dziaržaŭnych ŚMI.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary