Na Tajvani madel, jakaja dapamahaje maci pradavać rybu, vyklikała zachapleńnie ŭ karystalnikaŭ sacsietak, paviedamlaje partał Shanghai.ist.
Niečakanuju papularnaść dziaŭčynie pryniesła publikacyja adnaho z karystalnikaŭ na Facebook. Jon zapościŭ jaje fota za pryłaŭkam i padpisam: «Mam, u budučyni ja zaŭsiody budu chadzić pa rybu razam z taboj».
Karystalniki nie viedali, što 26-hadovaja dziaŭčyna pracuje madellu, i ŭ Facebook na jaje padpisanyja kala 60 tysiač čałaviek, tamu rabota na rynku - nie asnoŭnaja krynica jaje prybytku. U toj dzień jana prosta dapamahała svajoj maci. Pa słovach apošniaj, dziaŭčyna robić heta davoli časta i vielmi kłapocicca, kab jaje mama nie pieratamlałasia.
Kali dziaŭčyna vyjaviła, što post ź jaje fatahrafijaj staŭ papularnym na Facebook, jana padziakavała ŭsim za kamplimienty i skazała, što na nastupny dzień taksama budzie pracavać za pryłaŭkam. Na nastupny dzień kala jaje pryłaŭka sabrałasia mnostva ludziej - chtości sapraŭdy kuplaŭ u jaje rybu, niechta ž prosta zdymaŭ na kamiery svaich smarftonaŭ.
Kamientary