Na hetuju chvilinu zajavy padali 77 pretendentaŭ. Siońnia apoŭnačy Biełteleradyjokampanija zavieršyć pryjom zajavak na ŭdzieł u nacyjanalnym adbory na «Jeŭrabačańnie».
Biełteleradyjokampanija zavieršyć pryjom zajavak na ŭdzieł u nacyjanalnym adbory na «Jeŭrabačańnie-2019» siońnia apoŭnačy. Upieršyniu ankiety kandydataŭ prymajucca ŭ elektronnym vyhladzie. Zapoŭnić farmular možna na sajcie tvr.by. Paŭdzielničać u nacyjanalnym adbory vykazali žadańnie nie tolki biełaruskija, ale i zamiežnyja muzykanty.
U śpisie pretendentaŭ ad Biełarusi - Anžalika Pušnova, Michael Soul (Michaił Sasunoŭ), Alen Chit, Natalla Kudryna, Ziena (Zina Kupryjanovič), Alesia Bajarskich, Jan Žančak, Maryna Hrehary, hrupy «Napali», «PROvokacija». Kankurencyju im składuć, naprykład, rumynski śpiavak Mihai, šviedski rok-muzykant Siebaśćian Ros, brytanski duet Daz Sampson & Nona.
Prasłuchoŭvańnie pretendentaŭ adbudziecca ŭ paniadziełak na Makajonka, 9. Pa jaho vynikach buduć vyznačanyja finalisty prajekta, jakija vykanajuć svaje kampazicyi ŭ pramym efiry.
Śviatłana Smałonskaja-Kraskoŭskaja, kiraŭnik pres-słužby Biełteleradyjokampanii, kaža, što zajavy padali taksama pradstaŭniki ad Rasii, Ukrainy, dalej iduć Polšča, Šviecyja, ZŠA, Vialikabrytanija, Partuhalija.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary