Prezident Rasii Uładzimir Pucin zajaviŭ, što Rasija pakidaje za saboj prava reahavać u vypadku pahrozy parušeńnia prava na svabodu vieravyznańnia ŭ susiednich krainach. Pra heta jon skazaŭ na mierapryjemstvie z nahody dziesiacihodździa intranizacyi kiraŭnika RPC Kiryła, paviedamlaje TASS.
Tak, kamientujučy stvareńnie va Ukrainie aŭtakiefalnaj carkvy, Pucin znoŭ paskardziŭsia na niby ŭmiašańnie ŭkrainskich uład u carkoŭnyja spravy i dadaŭ, što ŭ Rasii padobnyja dziejańni ličać «absalutna niedapuščalnymi».
«My pavažali i budziem pavažać niezaležnaść carkoŭnaha žyćcia, tym bolš u susiedniaj suvierennaj krainie. Tym nie mienš, pakidajem za saboj prava reahavać i rabić usio dla abarony praŭ čałavieka, u tym liku i na svabodu vieravyznańnia», — skazaŭ Pucin.
Taksama jon padziakavaŭ Kiryłu za «duchoŭnaje karmleńnie» rasijskaha vojska i zajaviŭ, što heta nibyta dapamahaje aficeram i sałdatam być pierakananym u svajoj «maralnaj pravacie».
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary