U vialikim intervju Adarji Huštyn Lavon Volski ŭpieršyniu raspavioŭ, jak znoŭ sustreŭ svajo kachańnie.
— Vy možacie skazać pra Janu, vy chavajecie heta? Vy raniej nie kamientavali, ja nie znajšła nivodnaj zhadki. Jak vy paznajomilisia, jak u vašym žyćci źjaviłasia kachańnie?
— My paznajomilisia ŭ internecie.
— Što vy majecie na ŭvazie? U Cindary?
— Dzie?
— U internecie jość admysłovyja sajty znajomstvaŭ.
— Nie, jakija sajty znajomstvaŭ, pra što vy havorycie? U vajbiery niejak vypadkova tak. U mianie byŭ vielmi ciažki pieryjad doŭhi čas. Heta ciažka zrazumieć, treba praz heta prajści. Ja navat nie budu pra heta raspaviadać, vielmi takaja ciažkaja situacyja. Ja jeździŭ da nietradycyjnaha lekara, kali jon kryšačku papracavaŭ sa mnoj. Taki cikavy lekar, nu nieistotna.
My śpisalisia ŭ internecie. Jana chvareła na niejkuju dziŭnavatuju takuju chvarobu. Nieviadoma ad čaho heta było, u jaje była strašnaja słabaść. Jana ŭvieś čas praktyčna nie vychodziła z domu. Ja skazaŭ, što jość taki lekar. I jon, chutčej za ŭsio, moža dapamahčy. Z hetaha času niejak i pačalisia stasunki.
— Vam było ciažka advažycca na novyja stasunki? Prajšło nie tak šmat času.
— Značyć, pryjšoŭ čas užo. Mnie było ciažka advažycca, ale ŭsio robicca ŭ svoj čas. Byvaje ciažka pryniać toje, što ŭ žyćcia adzin płan, a ŭ ciabie inšy. Ale nieabchodna, na moj pohlad, ja nie budu naviazvać, zrazumieć i pasprabavać sabie davieści toje, što ŭ žyćcia jość taki płan i musić być tak. Što hetyja šlachi Božyja nievytłumačalnyja nasamreč. I što nie treba na heta kryŭdavać. Choć vielmi-vielmi chočacca i roznyja kryzisy ty prachodziš. Značyć, musiła być tak, i hetaja sustreča taksama musiła być.
— Ja nie viedaju, vy bačyli ci nie, vas za heta asudžali.
— Za što tolki mianie nie asudžali, słuchajcie! Ja byccam by tak cicha sabie siadžu, ni z kim nie svarusia, a mianie ŭsie asudžajuć.
— Jak vy heta ŭsprymali? Ja nie viedaju, ci asudžali vas asabista, ci tolki ŭ internecie. Ci sprabavali vy adkazać niešta?
— Navošta? Kaniečnie, asabista mnie nichto ničoha nie pisaŭ. A blizkija ludzi tolki paradavalisia. Bo ja byŭ užo ŭ pamiežnym stanie.
Hladzieć vypusk całkam:
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary