Turkmienskim studentkam u Biełarusi zabaranili nasić džynsy, a studentam barody
Pasoł Turkmienistana ŭ Biełarusi zabaraniŭ turkmienskim studentkam, jakija vučacca ŭ našaj krainie, nasić džynsavyja štany i spadnicy, a chłopcam nasić barody i naviedvać miačeci. Pra heta paviedamili studenty z Turkmienistana, jakija navučajucca ŭ VNU Biełarusi, paviedamlaje «Radyjo Azatłyk».
Pa słovach adnaho z surazmoŭcaŭ Azatłyk, jakija razmaŭlali na ŭmovach ananimnaści, patrabavańnie adnosna źniešniaha vyhladu i pavodzin turkmienaŭ było ahučana padčas adnoj ź niadaŭnich sustreč pradstaŭnikoŭ pasolstva Turkmienistana ŭ Biełarusi sa studentami.
«Pasoł pačaŭ patrabavać, kab my pamienš švendalisia pa kłubach i restaranach. Zabaraniŭ dziaŭčatam nadziavać džynsavyja štany, spadnicy ci padobnuju vopratku. Chłopcam-studentam zahadaŭ nie nasić baradu. Skazaŭ, što chłopcy z barodami padobnyja na terarystaŭ. Tut za miačeciami pilna sočać supracoŭniki KDB. Jany sočać za tym, chto sa studentaŭ naviedvaje miačeci», — raspavioŭ turkmienski student, jaki navučajecca ŭ Biełarusi pra sustreču pasła Turkmienistana ŭ Biełarusi Nazarhuły Šahułyjeŭ z hramadzianami krainy, jakija vučacca ŭ adnoj ź miascovych VNU. Pavodle jaho słoŭ sustreča adbyłasia ŭ lutym hetaha hoda.
Redakcyi Radyjo Azatłyk nie ŭdałosia atrymać kamientar u pasolstvie Turkmienistana ŭ Biełarusi.
Pa słovach studentaŭ, jakija prysutničali na sustrečy pradstaŭnikoŭ pasolstva z navučencami, na pytańnie studentaŭ ab pryčynach błakavańnia turkmienskimi bankami ich płastykavych kart, pasoł abvinavaciŭ u hetym ich samich.
«Maja adnakurśnica spytała pasła pra toje, kali spynicca situacyja, źviazanaja z tym, što my nie možam źniać hatoŭku z našych płastykavych kart. A pasoł zamiest adkazu pačaŭ stavić patrabavańni, jakija datyčacca našaha asabistaha žyćcia», — paviedamiŭ surazmoŭca Azatłyk. Pavodle jaho słoŭ, pasoł zajaviŭ, što studenty zdymajuć najaŭnyja, mianiajuć ich na dalary i pasyłajuć baćkam i svajakam nazad u Turkmienistan, dzie jany mianiajuć hetyja dalary na čornym rynku.
Na praciahu apošnich dvuch hadoŭ turkmieny, jakija navučajucca ŭ zamiežnych VNU, sistematyčna paviedamlajuć ab finansavych ciažkaściach, u suviazi z błakavańniem kart, vydadzienych Źniešekanambankam Turkmienistana, a taksama abmiežavańniem mahčymaściaŭ dla adpraŭki hrošaj z Turkmienistana.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary