Ułady Šry-Łanki vyśvietlili, chto byŭ arhanizataram sieryi vybuchaŭ, ažyćcioŭlenaj u krainie ŭ vielikodnuju niadzielu. Pra heta paviedamlaje vydańnie The Straits Times sa spasyłkaj na ministra abarony krainy Ruvana Vijevardena.
«My budziem pieraśledavać ich, da jakoha b relihijnaha ekstremizmu jany ni byli datyčnyja. My prymiem miery suprać (ich) i nie dazvolim im dziejničać u hetaj krainie», — zajaviŭ ministr. Jon dadaŭ, što ŭ dadzieny momant zatrymanyja siem čałaviek.
Raniej źjaviłasia infarmacyja pra toje, što chvalu teraktaŭ u Šry-Łancy mahli padrychtavać terarysty-śmiarotniki radykalnaha musulmanskaha abjadnańnia National Thowheeth Jama'ath.
Pa dadzienych miascovaj palicyi, papiaredžańnie ab mahčymych napadach na cerkvy źjaviłasia dziesiać dzion tamu. Adznačajecca, što jak minimum dva vybuchi sapraŭdy byli ździejśnieny terarystami-śmiarotnikami.
U Šry-Łancy z ranicy 21 krasavika adbylisia vosiem vybuchaŭ. Pa apošnich dadzienych, u vyniku zahinuli 185 čałaviek, bolš za 500 paranienyja. Siarod zahinułych — 35 zamiežnikaŭ.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik32
Kamientary