Niebanalnyja varanyja jajki — z načynkaj z hryboŭ, avakada i piečani traski
Niemahčyma ŭjavić sabie stoł na Vialikdzień bieź jajek — sapraŭdnych simvałaŭ hetaha śvietłaha śviata. I kožnaja haspadynia ŭpeŭniena, što ich na stale nie pavinna być mała. Dyk čamu b nie zrabić asarci jajek z roznymi načynkami? Tut vy znojdziecie recept jak tradycyjnaj hrybnoj načynki, tak i bolš cikavyja varyjanty. Ale ja ŭpeŭniena, što kožny padbiare štości na svoj hust.
Recept načynak raźličany prykładna na 5 jajek (10 pałavinak). Varanyja jajki razrazajem na pałoŭki, dastajem žaŭtok i napaŭniajem načynkaj.
Načynka hrybnaja:
- 100 hr. šampińjonaŭ;
- pałova cybuliny;
- 1 st.ł. krem-čyzu;
- 1 st.ł. śmiatany;
- 20 hr. syru;
- sol, pierac;
- niekalki halinak piatruški;
- alej.
Cybulu i hryby narazajem drobnymi kubikami. Na patelni hrejem 1 st.ł. aleju, na im spačatku smažym cybulu, potym dadajem hryby. Smažym chvilin 5-7. Nastupnymi dadajem śmiatanu, krem-čyz i syr i dajem jašče niekalki chvilin patušycca na ahni. Zdymajem z ahniu, dadajem sol, pierac i narezanuju piatrušku.
Načynka huakamole:
- 1 śpieły avakada;
- 2 zubčyki časnaku;
- 5-6 št. pamidoraŭ čery;
- 1-2 st.ł. limonnaha soku;
- sol, pierac.
Avakada čyścim ad skurki i kostki. Raźminajem videlcam u piure i adrazu dadajem limonny sok, kab avakada nie stała ciomnym. Časnok režam drobnymi kavałačkami (ci prapuskajem praz časnakadaŭku). Pamidory čery narazajem vielmi drobnymi kubikami. Źmiešvajem avakada, časnok, pamidory, sol i pierac. Dla achvotnikaŭ da vostrych straŭ možna dadać u sous narezany čyrvony pierac čyli.
Načynka ź piečańniu traski:
- 1 blašanka piečani traski (prykładna 120 hr.);
- 4 varanyja žaŭtki;
- zialonaja cybula pa smaku;
- pierac.
Piečań traski pieracirajem videlcam razam z žaŭtkami. Zalonuju cybulu drobna narazajem i dadajem da načynki. Pierčym pa smaku.
Kamientary