«Nichto nie chacieŭ pamirać»: na čempijanacie śvietu pa chakiei vyznačylisia niaŭdačniki i čverćfinalisty
U paniadziełak na čempijanacie śvietu pa chakiei, što prachodzić u elitnym dyvizijonie ŭ Słavakii, vyznačylisia jak udzielniki płej-of, tak i kamandy, što buduć u nastupnym siezonie hulać u minornym dyvizijonie.
Voś łatvijcam treba było pieramahać Šviecyju, kab zachavać šancy na płej-of.
Našy paŭnočnyja susiedzi pieršymi prapuścili, zakinuli ŭ adkaz, jašče raz prapuścili, dźvie zakinuli, dźvie prapuścili (0:1, 1:1, 1:2, 3:2, 3:4), zraŭniali lik pad kaniec treciaha pieryjada (4:4).
Ale, kab zachavać šancy na čverćfinał (jašče matč u łatyšoŭ u aŭtorak), treba była adna šajba ŭ asnoŭny čas. Łatvija źniała varatara i prapuściła ŭ pustyja varoty — 4:5 i nie trapiła ŭ płej-of.
U matčy Vialikabrytanija — Francyja vyznačałasia, chto zastaniecca, a chto pakinie elitu.
Francyja viała 3:0, zatym prapuściła try šajby i jašče adnu ŭ aviertajmie — 3:4. Vialikabrytanija zastajecca ŭ elicie!
Pure. Joy. @TeamGBicehockey #IIHFWorlds pic.twitter.com/wBSIfrLxtt
Taksama drama razyhrałasia ŭ matčy Aŭstryja — Italija, u jakim taksama vyznačałasia, chto zastajecca, a chto sychodzić.
Chod hulni byŭ nastupny: 0:1, 2:1, 2:3, 3:3, i sprava dajšła da bulitaŭ, dzie macniej akazalisia italjancy — 3:4.
FORZA ITALIA @fisg_it have won in the shootout and will remain in the top tier! #AUTITA #IIHFWorlds
Visit https://t.co/UN4KhitcC3 for all your highlights pic.twitter.com/RINU9yTG9A
Hrupa A: Finlandyja — 16, Kanada — 15, ZŠA — 14, Hiermanija — 12, Słavakija — 9, Danija — 5, Vialikabrytanija — 2, Francyja — 2.
Pieršyja čatyry zbornyja vyjšli ŭ płej-of, ale ŭ aŭtorak vyznačycca, chto jakoje miesca zaniaŭ, kab sfarmavać čverćfinalnyja pary.
Hulajuć: Finlandyja — Hiermanija, Kanada — ZŠA.
Hrupa V: Rasija — 18, Čechija, Šviecyja — 15, Šviejcaryja — 12, Łatvija — 6, Narviehija — 6, Italija — 2, Aŭstryja — 1
Pieršyja čatyry zbornyja vyjšli ŭ płej-of, ale taksama ŭ aŭtorak vyznačycca, chto jakoje miesca zaniaŭ.
Rasija hulaje sa Šviecyjaj, Čechija — sa Šviejcaryjaj, Łatvija z Narviehijaj.
Francyja i Aŭstryja pakidajuć elitu, ich u nastupnym hodzie na čempijanacie śvietu ŭ Šviejcaryi zamieniać zbornyja Biełarusi i Kazachstana.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?76
Kamientary