Biełaruski PEN-centr, Sajuz biełaruskich piśmieńnikaŭ, Pasolstva Respubliki Polšča i Polski Instytut u Minsku abviaščajuć vośmy siezon Litaraturnaj premii imia Ježy Hiedrojca.
Zajaŭka na Premiju pavinna ŭtrymlivać nastupnyja źviestki i materyjały:
— infarmacyju pra naminatara, što vyłučaje knihu na Premiju: imia, proźvišča ci nazva arhanizacyi, kantaktnyja numary telefonaŭ, e-mail;
— karotkuju tvorčuju bijahrafiju aŭtara (abo kožnaha z kalektyvu suaŭtaraŭ) i kantaktnyja numary telefonaŭ, e-mail;
— poŭnuju nazvu, anatacyju, miesca i hod vydańnia i ISBN knihi;
— knihu ŭ elektronnaj viersii i ad 2 da 7 papiarovych asobnikaŭ knihi (kali jana vychodziła na papiery);
— vyjavu vokładki knihi ŭ elektronnaj viersii (farmat jpg, png);
— kali kniha traplaje ŭ Karotki śpis, to naminatar ciaham 7 dzion paśla abviaščeńnia Karotkaha śpisu abaviazany pradastavić uryvak z knihi da 10 tysiač znakaŭ, jaki moža być apublikavany abo pradstaŭleny publična arhkamitetam Premii.
Papiarovyja asobniki knih nieabchodna pieradać na siadzibu Sajuza biełaruskich piśmieńnikaŭ da 14 červienia, a taksama na elektronny adras: [email protected].
Cyrymonija ŭznaharodžańnia łaŭreataŭ premii Hiedrojca adbudziecca 25 vieraśnia 2019 hoda ŭ art-prastory ZALA #2 ŭ Pałacy mastactva (Minsk, vuł. Kazłova, 3).
Premija imia Ježy Hiedrojca ŭručajecca z 2012 hoda za najlepšuju knihu ŭ žanry mastackaj i dakumientalnaj prozy i maje status hałoŭnaj niezaležnaj litaraturnaj uznaharody Biełarusi. Papiarednija pieramožcy Premii: Pavał Kaściukievič, Uładzimir Niaklajeŭ, Ihar Babkoŭ, Viktar Kaźko, Maks Ščur, Źmicier Bartosik, Uładzimir Arłoŭ.
Kamientary