Andrej Kim pryjšoŭ na BT u majcy «Usio mahu ŭ Chryście». Pierlin razmaŭlaŭ ź im pa-biełarusku
Kiraŭnik kampanii «Kinakonh», jakaja zajmajecca pierakładam suśvietnych stužak na biełaruskuju movu, Andrej Kim byŭ hościem čarhovaha vypusku humarystyčnaha šou «Makajonka, 9» na telekanale «Biełaruś-1». Viadučy prahramy Jaŭhien Pierlin navat pierajšoŭ na biełaruskuju movu, kab stasavacca z Andrejem.
«Niekatoryja supracoŭniki «Kinakonha» ściabucca z majho karejskaha pachodžańnia, nazyvajuć mianie «paŭnočnakarejskim dyktataram», ale ja vielmi demakratyčny kiraŭnik», — kaža Kim.
Pierlin zaklikaŭ hledačoŭ pajści na prahlad «Terminatara-2» na biełaruskaj movie, zapeŭniŭšy, što ŭ kinateatrach poŭnyja zały. Pierlin pachvaliŭ Kima za pierakład filma «Nievierahodnaje žyćcio Uołtara Mici», nazvaŭšy jaho svajoj lubimaj stužkaj.
Andrej Kim — pratestancki viernik. Jon pryjšoŭ na efir u majcy z nadpisam pa-biełarusku «Usio mahu ŭ Chryście, jaki mianie ŭmacoŭvaje». «Dla mianie viera ŭ Boha — heta toje, što dazvalaje mnie ruchacca napierad u spravie Biełarusi i biełaruščyny. Ja vieru, što Boh daŭ nam patryjatyzm, biełaruskuju movu. Luboŭ — heta toje, što pavinna ruchać nami ŭsimi. Luboŭ da dobrych rečaŭ», — skazaŭ Kim.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Siarhiej Cichanoŭski pierabraŭsia žyć u Łos-Andželes12
Kamientary