Biełaruskija komiki ŭ niadzielu zapuścili novy prajekt #Praškvarka ź viadoŭcam Źmitrom Naryškinym. Zaprasili našaha znanaha futbolnaha kamientatara (nie Navickaha) i ź niadaŭniaha času jutub-błohiera Mikałaja Chadasieviča i (jak mahli) žorstka ściabali.
Dyk heta ž #Prožarka! — skažacie vy. Tak, ale rasijskaja Prožarka — heta amierykanskaja Comedy Central Roasts, što tranślujecca pa TB z 2003 (!) hoda. Užo kłasičny farmat, možna skazać. Zaprašajucca jakaja-niebudź miedyja-piersona i komiki. Komiki ściabuć zorku (žorstka, vostra, niecenzurna), a zorka ściabie komikaŭ. Jość jašče viadoŭca, jaki ściabie ŭsich pa čarzie. Sens u tym, kab maksimalna śmiešna palić usich haŭnom. Nie, nu tak i jość! I, jak pakazvajuć miljonnyja prahlady ŭ Rasii, siońnia na hety farmat šalony popyt.
Treba skazać, žarty nižej za pojas biełarusam zachodziać nie nadta. Niejak niajomka śmiajacca, ci što. Voś pra BT, jutub, Navickaha — heta tak, kolki chočaš.
«Mikałaju daviałosia syści z BT, tamu što na BT jość miesca tolki dla adnaho Mikałaja» — kalapalityčnyja taksama iduć na ŭra.
Uvohule, padtrymki, niejkaj žyvaści, uklučanaści aŭdytoryi vielmi nie chapała. Roŭna taho ž nie chapała i ad komikaŭ — nu nie budzie dynamiki z takim tempam žartaŭ. Chutčej, chutčej treba!
Ale ahułam kłasna, što ŭ nas źjaviŭsia i taki prajekt. Ja paśmiajałasia ad dušy, praŭda. Nu byli žarty, jakija nie pajšli. Nu i što? Vyražucca.
Aby hości byli. Chadasievič — małajčyna, nie zbajaŭsia, pryjšoŭ, trymaŭsia hodna i adžartavaŭsia śmiešna. A voś Maksim Puškin i Kokobaj udzielničać admovilisia. A škada, jość faktura, mahło być viesieła. Moža jašče pieradumajuć?
My ŭvohule mała ź siabie śmiajomsia, treba było b bolej. Heta azdaraŭlaje.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?73
Kamientary