Pavieł Jakubovič pra vizit Leanida Jakuboviča ŭ «Pajedziem pajadzim»: Jon prosić advieźci na viačeru tudy, dzie niama ludziej
«Naša Niva» paviedamlała, što paru dzion tamu aktyvisty «varty Pamiaci» la restarana «Pajedziem pajadzim» ubačyli, jak tudy zajazdžaje viadomy rasijski televiadučy Leanid Jakubovič.
Rasijski televiadučy Leanid Jakubovič pryjechaŭ u «Pajedziem pajadzim» FOTA
Aktyvisty vykazvali zdahadki, što Jakubovič pryjechaŭ vieści viasielle.
«Naša Niva» dazvaniłasia da svajaka Leanida Jakuboviča Paŭła Jakuboviča, byłoha redaktara haziety «Sovietskaja Biełoruśsija».
Jakubovič minski ź Jakubovičam maskoŭskim dalokija svajaki, ich baćki byli stryječnymi bratami.
Pavieł Jakubovič skazaŭ nam, što jašče nie havaryŭ sa svaim svajakom nakont hetaj situacyi, ale moža prykładna ŭjavić, što heta było.
«Leanid pryjazdžaje ŭ Minsk amal kožnaje leta. Jon lotčyk, lotaje i tut pa linii DASAAF. Nu a viačeraje jon u restaranach. I mnie taksama davodziłasia jaho ŭ takich pajezdkach supravadžać i vieźci ŭ restaran. Jahonaje asnoŭnaje pažadańnie pry hetym — «kab u restaranie nie było ludziej, čym mienš — tym lepš». Jon ža vielmi paznavalny, heta jak pačniecca… Kožny paznaje, padydzie pa aŭtohraf ci tam fotasiesiju vyrašyć zładzić ź im. Heta napružvaje, narmalna nie pajasi. Tamu jon i prosić tak. Ja dumaju, ni pra jaki pryncypovy vybar miesca havorki tut iści nie moža, jon nie viedaje Minska, hatovy pakłaścisia na vybar hida. Tym bolš jon nie viedaje pra situacyju vakoł Kurapat i taho restarana. Dyj tyja rabotniki DASAAF, jakija jaho pavieźli… Jany taksama mohuć być asabliva nie ŭ kursie. Tamu pryvieźli tudy, dzie mała ludziej i bližej da Baravoj. Ja dumaju, usio tak było», — skazaŭ nam Pavieł Jakubovič.
Jakubovič dadaŭ, što naŭrad ci Leanid moh vieści tam viasielle: «Pa adziežy na fota nie skažaš, što čałaviek jedzie vieści karparatyŭ, dyj nie ŭjaŭlaju, u kaho chopić hrošaj u Minsku zamović jaho na viasielle. Jon zvyčajna ich nie viadzie, viadzie aŭkcyjony i karparatyvy».
Sapraŭdy, na fota Leanid Jakubovič — u prostym aŭtamabili i apranuty nie śviatočna, nie dla vystupu.
Pavieł Jakubovič viadomy svaim pryncypovym staŭleńniem da pytańnia Kurapat i šmat zrabiŭ dla miemaryjalizacyi trahičnaha miesca.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm11
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary