Dzikija śvińni stali realnaj pahrozaj dla Barsiełony i inšych jeŭrapiejskich haradoŭ, piša Guardian.
«Apošnija 10 hadoŭ Barsiełona adčajna šukaje sposab pieraduchilić raśsialeńnie dzikoŭ u zavalenych apałym liściem vakolicach horada Kałsieroł, dzie siarod inšych žyvuć futbalisty, bankiry i znakamitaści», - adznačaje vydańnie.
Pavodle aficyjnych źviestak, tolki ŭ 2016 hodzie palicyja Barsiełony zarehistravała 1187 zvarotaŭ žycharoŭ, jakija skardzilisia na dzikoŭ, jakija korpajucca ŭ śmiećci, napadajuć na sabak, jaduć kacinuju ježu, pieraškadžajuć darožnamu ruchu i biahuć pad koły aŭtamabilaŭ.
Vydańnie nahadvaje, što dziki dobra prystasavany praktyčna da luboha pryrodnaha asiarodździa. Ale apošnim časam usio bolš hetych žyvioł vybirajuć harady. «U Barsiełonie i Bierlinie, Chjustanie i Hankonhu hrupy dzikoŭ možna zaŭvažyć u luby čas sutak. U Rymie, dzie ja žyvu, dziki, jakija korpajucca ŭ kučy śmiećcia, stali simvałam horada», — piša aŭtar.
Pavodle jaho słoŭ, pavieličeńnie papulacyi hetych žyvioł u haradskich umovach vyklikaje pytańnie, što čałaviectva nabližajecca da miažy urbanizacyi. «Heta prablema, jakuju my pa sutnaści stvaryli sami. Haradskoje razrastańnie vyšturchoŭvaje žyvioł ź miescaŭ ich pražyvańnia, jakija źmianšajucca, i prymušaje ich žyć pobač z nami», — piša Guardian.
Aŭtar papiaredžvaje, što dziki mohuć pieranosić niebiaśpiečnyja chvaroby i vyklikać śmiarotnyja avaryi.
Sproby vyhnać ich z haradoŭ dahetul nie byli paśpiachovymi. U Bierlinie miascovyja ŭłady płaciać hrošy ludziam, jakija adstrelvajuć dzikoŭ u stalicy, ale ŭsio jašče kala troch tysiač dzikich śviniej žyvuć u zialonych zonach horada, paviedamlaje vydańnie.
U Barsiełonie ŭłady sprabujuć kantralavać ich papulacyju šlacham svoječasovaha vyvazu śmiećcia i vysiečki zialonych nasadžeńniaŭ uzdoŭž daroh i parkaŭ. Kolkaść kantaktaŭ ź dzikami ŭ horadzie skaraciłasia ŭdvaja, ale ŭsio jašče zastajecca značnaj.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Kamientary