Ministr unutranych spraŭ Litvy Ejmucis Misiunas kaža, što ŭłady Vilni, jakija pravodziać vučeńni pa evakuacyi žycharoŭ horada ŭ suviazi ź imaviernaj avaryjaj na BiełAES u Astraŭcy, darma siejuć paniku, piša Delfi.
«Jany chutčej, zdajecca, pałochajuć žycharoŭ horada Vilni, siejuć paniku, choć pa sutnaści niama navat tearetyčnaj padstavy heta rabić», — skazaŭ Misiunas u čaćvier.
Meryja Vilni paviedamiła, što praviadzie vučeńni ź imitacyjaj avaryi na BiełAES i evakuacyjaj častki žycharoŭ 5 vieraśnia. Padčas vučeńniaŭ budzie zroblena sproba acanić hatoŭnaść hrupy municypalnych pradpryjemstvaŭ, inšych słužbaŭ da adpaviednych pahroz, buduć imitavacca i kibiernietyčnyja ataki.
Misiunas skazaŭ, što Vilnia nie traplaje ŭ praduhledžanuju ŭ płanach 30-kiłamietrovuju zonu vakoł stancyi, ź jakoj u vypadku avaryi buduć evakujavacca žychary. Pavodle jaho słoŭ, Vilnia znachodzicca ŭ tak zvanaj 100-kiłamietrovaj zonie, dzie dla vyratavańnia žycharoŭ praduhledžany inšyja dziejańni.
«Nie mahu nijak apraŭdać brak kampietentnaści (…) Ci jany płan nie čytali, ci jość niejkija inšyja pryčyny, ciažka skazać», — adznačyŭ ministr.
Palityk skazaŭ, što zapłanavanyja meryjaj vučeńni nie ŭzhadnialisia ni z MUS, ni z palicyjaj, ni z pažarna-ratavalnaj słužbaj.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu46
Kamientary