Ceły škvał udakładnieńniaŭ i abviaržeńniaŭ pasypaŭsia pa viartańni aficyjnaj delehacyi z samitu ADKB i JeŭrAzES z Maskvy. I rubla nie budzie, i vajavać za Rasiju nie pryjdziecca, i Antykryzisny fond treba ŭzvažyć.
Ceły škvał udakładnieńniaŭ i abviaržeńniaŭ pasypaŭsia pa viartańni aficyjnaj delehacyi z samitu ADKB i JeŭrAzES z Maskvy. I rubla nie budzie, i vajavać za Rasiju nie pryjdziecca, i Antykryzisny fond treba ŭzvažyć.
«Udzieł Biełarusi ŭ Kalektyŭnych siłach apieratyŭnaha reahavańnia (KSAR) ADKB nie praduhledžvaje zadziejničańnia biełaruskich vajennasłužačych u jakich‑niebudź vajennych kanfliktach za miežami Biełarusi. Ab hetym paviedamiŭ žurnalistam pradstaŭnik biełaruskaj delehacyi, jakaja supravadžała Alaksandra Łukašenku ŭ čas vizitu ŭ Maskvu, pieradaje karespandent BIEŁTA.
«Udzieł Biełarusi ŭ Kalektyŭnych siłach apieratyŭnaha reahavańnia praduhledžvaje, što tyja čaści i padraździaleńni, jakija buduć vydzieleny ŭ skład KSAR, znachodziacca pad jurysdykcyjaj nacyjanalnaha zakanadaŭstva. Jany ni ŭ jakim vypadku nie vyvodziacca sa składu Uzbrojenych Sił i inšych siłavych struktur u jakaści niejkaha asobnaha kampanienta i vykonvajuć svaje zadačy ŭ składzie rehijanalnaj biełaruska‑rasijskaj hrupoŭki vojskaŭ na zachodnim napramku», — padkreśliŭ surazmoŭca.
Hetuju zajavu «krynicy» rastyražavali BIEŁTA i ŭsie dziaržaŭnyja ŚMI, što moža być vyjavaj niepapularnaści ŭ biełaruskim hramadstvie idej abaronnaj intehracyi ź niestabilnymi krainami byłoha SSSR.
Anałahičnyja abviaržeńni prahučali i adnosna pierachodu na adzinuju valutu i finansavych pahadnieńniaŭ,jakija taksama staviać pad sumnieŭ bazavyja mifałahiemy łukašenkaŭcaŭ ab režymie jak «harancie suvierenitetu» i jaho niečuvanych ekanamičnych pośpiechach.
Kamiencirujučy paviedamleńni ab «byccam by pryniaćci niejkaha płana pa ŭviadzieńni rasijskaha rubla ŭ jakaści adzinaj valuty sajuznaj dziaržavy», ministr zamiežnych spravaŭ Siarhiej Martynaŭ padkreśliŭ, što heta — niekarektnaja interpretacyja nie vielmi ŭvažlivych žurnalistaŭ asobnych rasijskich ŚMI. «Razmova ab hetym nie išła. Razmova išła ab tym, što vyšejšaje dziaržrady pryniata rašeńnie da 1 krasavika raspracavać pahadnieńnie, jakoje praduhledžvaje dziejańnie pa nadańniu rasijskamu rublu funkcyi rehijanalnaj reziervovaj valuty. Rehijanalnaja reziervovaja valuta i adzinaja valuta sajuznaj dziaržavy — heta pryncypova roznyja rečy.
Pamiž hetymi dźviuma źjavami vialikaja dystancyja pryncypovaha maštabu», - adznačyŭ S. Martynaŭ.
Navat nakont razrekłamavanaha Antykryzisnaha fondu zamachali rukami: «Da vyznačeńnia met, zadač i pamieru fondu, jaki płanujecca stvaryć u ramkach JeŭrAzES, nieabchodny ŭzvažany i abhruntavany padychod. Takuju dumku vykazaŭ u razmovie z karespandentam BIEŁTA pradstaŭnik biełaruskaj delehacyi», jakaja supravadžała Alaksandra Łukašenku ŭ Maskvu. «Ekśpierty miarkujuć, što va ŭmovach kryzisu
adciahnieńnie srodkaŭ ź biudžetu na farmiravańnie takoha fondu źjaŭlajecca prablematyčnym», — praciahvaje łukašenkaŭskaje ahienctva.
Paśpiešlivaść, ź jakoj łukašenkaŭcy adchryščvajucca ad taho, što padajecca Maskvoj jak adbytyja fakty i pad čym stajać podpisy kiraŭnika biełaruskaj dziaržavy, tłumačycca taksama bojaźziu, što zanadta addany ŭdzieł u ambitnych płanach Maskvy pa vydušvańni Zachadu z postsavieckaj prastory moža kaštavać biełaruskim uładam tak patrebnych im kredytaŭ, bieź jakich nie ŭdasca ŭtrymać zarobki choć na ciapierašnim uzroŭni.
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA19
Kamientary