Nacbank raspracoŭvaje prajekt, pa jakim hrošy z kartki možna budzie źniać prosta ŭ kramie
Čakajecca, što ŭ chutkim časie biełarusy zmohuć zdymać hrošy pa kartkach u kasach kramaŭ i arhanizacyj servisu. Spačatku takuju mahčymaść chočuć raspaŭsiudzić na nievialikija nasielenyja punkty, a praz dva hady i na ŭsiu terytoryju krainy. Pra heta havorycca ŭ prajekcie pastanovy praŭleńnia Nacbanka Biełarusi, pieradaje tut.by.
Zhodna z prajektam dakumienta, z 1 studzienia 2020 hoda najaŭnyja zmohuć vydavać na terytoryi sielskaj miascovaści, małych haradskich pasieliščaŭ, terytoryi za nasielenymi punktami, a praz dva hady — na ŭsioj terytoryi Biełarusi.
Suma adnoj apieracyi vydačy najaŭnych nie pavinna pieravyšać 10 bazavych vieličyń (255 rubloŭ). Pry hetym čałavieku treba budzie raźličycca kartaj za tavar abo pasłuhu.
Pry padrychtoŭcy dakumienta byli ŭličany skarhi ad nasielnictva ab skaračeńni kolkaści bankamataŭ u nievialikich nasielenych punktach i zacikaŭlenaść u raźvićci novaj pasłuhi pobač jurydyčnych asob, bankaŭ i mižnarodnych apłatnych sistem.
Kamientary