U rečach u jaho było 0,87 hrama marychuany, — paviedamiŭ advakat. Uładzimira Čudziancova zatrymali ŭ ciahniku pa darozie ŭ Varšavu, kudy jon jechaŭ uładkoŭvacca na pracu ŭviečary 21 listapada. Jon kaža, što vyjšaŭ u prybiralniu pierad miažoj, a paśla ŭ jahonych asabistych rečach znajšli pakunak z marychuanaj, piša Radyjo Svaboda.
Ciapier Uładzimir Čudziancoŭ aryštavany.
«Mahčyma, zaŭtra spravu pieradaduć u Śledčy kamitet i budzie vyrašacca nakont abvinavačvańnia. Kolki ŭ jaho znajšli doma —nieviadoma, bo maci nie pakinuli kopiju pratakołu pieratrusu», — skazaŭ Alaksandr Halijeŭ.
Abvinavačańnia Uładzimiru Čudziancovu pakul nie vystavili. Jon — padazravany ŭ kantrabandzie narkotykaŭ i aryštavany na 2 miesiacy.
Rodnyja i siabry Uładzimira Čudziancova havorać, što jon nikoli nie ŭžyvaŭ narkotykaŭ. Paśla zatrymańnia praviali ekśpiertyzu, jakaja vyjaviła, što nijakich narkatyčnych rečyvaŭ jon nie prymaŭ.
Što viadoma pra žurnalista Uładzimira Čudziancova, zatrymanaha na polskaj miažy nibyta za narkotyki?
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary