Pasoł: Łatvija zacikaŭlena ŭ raźvićci supracoŭnictva Biełarusi i ES
Łatvija vielmi zacikaŭlena, kab supracoŭnictva Biełarusi i ES raźvivałasia, zajaviŭ žurnalistam pasoł Łatvii ŭ Biełarusi Ejnars Siemanis paśla sustrečy ŭ Viciebskim abłvykankamie, piša BiełTA
Pa słovach dypłamata, adna z hałoŭnych padziej pamiž krainami, jakaja čakajecca ŭ 2020 hodzie, — heta vizit Alaksandra Łukašenki ŭ Łatviju.
«Heta budzie važnaj padziejaj nie tolki ŭ dvuchbakovych adnosinach dziaržaŭ, ale i dla Jeŭrapiejskaha sajuza ŭ cełym. Łatvija vielmi zacikaŭlena, kab supracoŭnictva pamiž Biełaruśsiu i ES raźvivałasia. Taksama my ŭ čakańni padpisańnia pahadnieńnia ab spraščeńni vizavaha režymu pamiž vašaj krainaj i Jeŭraźviazam i pahadnieńnia ab readmisii. Na padpisańnie hetych dakumientaŭ my ŭskładajem vialikija nadziei», - adznačyŭ Ejnars Siemanis.
Kamientary