Piać čałaviečych ciełaŭ i dźvie hałavy znajšli ŭ nievialikim sudnie, prybitym chvalami da bierahoŭ Japonii. Jak miarkujecca, heta paŭnočnakarejskija rybaki abo biežancy, piša Bi-bi-si.
Łodka, znojdzienaja na vostravie Sado, mocna paškodžana, na jaje borcie nadpisy na karejskaj movie. Miarkujučy pa ŭsim, jana doŭha znachodziłasia ŭ mory: trupy častkova sparachnieli.
Bierahavaja achova zmahła dabracca da łodki tolki praz sutki paśla taho, jak jana była znojdziena ŭ subotu. U japonskaj palicyi pakul nie mohuć peŭna skazać, ci naležali hałovy kamu-niebudź z zahinułych na karabli.
Takija «karabli-pryvidy» ŭžo nie raz znachodzili la japonskich bierahoŭ. Čaściej za ŭsio heta nievialikija rybałoŭnyja sudny z KNDR.
Bolšuju častku takich łodak znachodziać pustymi abo ź ciełami na borcie. Miarkujučy pa ŭsim, rybaki zachodziać zanadta daloka ŭ mory ŭ pošukach ułovu ci hublajucca i hinuć: albo ad hoładu, albo pry mocnym štormie.
Raniej vykazvalisia zdahadki, što na łodkach sprabujuć źbiehčy z KNDR, ale hetyja viersii paćvierdžańnia nie znajšli. Znojdzienyja ŭ 2017 hodzie rybaki zapatrabavali, kab ich pierapravili nazad u KNDR.
Z-za napružanych adnosinaŭ pamiž KNDR i Japonijaj efiektyŭna rasśledavać padobnyja vypadki amal niemahčyma.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik46
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary