Ad 1 studzienia Rasieja spyniła pastaŭku nafty dla biełaruskich naftapierapracoŭčych zavodaŭ, paviedamlaje rasijskaje ahienctva RIA «Naviny» sa spasyłkaj na ŭłasnuju krynicu ŭ naftavaj halinie Biełarusi. Taksama pra adsutnaść pastavak sa spasyłkaj na biełaruski bok piša «Interfaks».
«My pracujem sa źnižanaj zahruzkaj na reštkach syraviny, što byli nazapašanyja ŭ śniežni, — paviedamili «Interfaksu» na adnym z naftapierapracoŭčych zavodaŭ. — Kantrakty na pastaŭku nafty pa-raniejšamu nie padpisanyja, pastaŭki adsutničajuć z 1 studzienia».
Nahadajem, što 31 śniežnia pres-sakratar prezidenta Rasii, adkazvajučy na pytańni žurnalistaŭ, prapanavaŭ u adnosinach ź Biełaruśsiu «apakaliptyčnyja scenary» nie abmiarkoŭvać — «pakul».
U svaju čarhu, Alaksandr Łukašenka 31 śniežnia daŭ zahad uradu zabiaśpiečyć ŭžo ŭ najbližejšyja dni pastaŭku nafty z alternatyŭnych krynic. Pierš za ŭsio razmova idzie ab pastaŭkach čyhunačnym transpartam z partoŭ na Bałtycy, a taksama ab zadziejničańni dla alternatyŭnych pastavak naftapravoda «Družba».
Pry hetym, jak stała viadoma, kiraŭnik «Hazproma» Alaksiej Miler i pasoł Biełarusi ŭ Rasii Uładzimir Siamaška padpisali pratokoł pra ceny na haz dla Biełarusi tolki na studzień i luty 2020 hoda. U hetyja dva miesiacy cana dla Biełarusi zastaniecca na raniejšym uzroŭni — $127 za tysiaču kubamietraŭ.
Rasija trymajecca raniejšaj taktyki: trymać krainy na maksimalna karotkich kantraktach na pastaŭki enierhanośbitaŭ. U vypadku krain-satelitaŭ, kantrakty abumoŭlivajucca taksama šeraham palityčnych umoŭ.
Varta adznačyć, što jašče hod tamu cana $127 za tysiaču kubamietraŭ była istotna mienšaj za canu hazu, pa jakoj jaho atrymlivali inšyja jeŭrapiejskija krainy, ale ŭ hetym hodzie, z prychodam na jeŭrapiejski rynak vialikich kolkaściej zvadkavanaha hazu, ceny na haz istotna ŭpali, i cana hazu, jakuju vystaŭlaje dla Biełarusi Rasija, praktyčna zraŭnavałasia z toj, pa jakoj kuplajuć haz Niamieččyna i Ukraina.
-
Litoŭskuju aktyvistku, jakaja pastajanna hojsała ŭ Minsk, asudzili da abmiežavańnia voli za admaŭleńnie złačynstvaŭ SSSR
-
Jeŭraparłamient pryniaŭ rašeńnie admianić jeŭrapiejskija pošliny na pramysłovyja tavary z ZŠA
-
«Vielmi cikavyja zajavy sajuźnika Pucina». Kiraŭnik MZS Hiermanii adreahavaŭ na zajavy Łukašenki pra vajnu va Ukrainie
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantovaj vobłaści Rasii. U aŭtobus papaŭ bieśpiłotnik15
Kamientary