Ministram ekanomiki pryznačany Alaksandr Čarviakoŭ. Adpaviednaje kadravaje rašeńnie pryniaŭ Alaksandr Łukašenka, pieradaje BiełTA.
Raniej Alaksandr Čarviakoŭ pracavaŭ na pasadzie pieršaha namieśnika ministra ekanomiki. Pasada ministra zastavałasia vakantnaj paśla pryznačeńnia Dźmitryja Krutoha pieršym vice-premjeram.
Kiraŭnik Administracyi prezidenta Ihar Siarhiejenka adznačyŭ, što kandydatura na pasadu ministra ekanomiki prapracoŭvałasia na alternatyŭnaj asnovie, było niekalki pretendentaŭ.
Alaksandr Viktaravič Čarviakoŭ naradziŭsia ŭ 1966 hodzie ŭ v. Babiničy Aršanskaha rajona Viciebskaj vobłaści. U 1988 hodzie skončyŭ Biełaruskuju dziaržaŭnuju sielskahaspadarčuju akademiju (h. Horki Mahiloŭskaj vobłaści), u 1994 hodzie — aśpiranturu BDSHA.
U 1988—1991 hadach — inžynier, viadučy inžynier-miechanik saŭhasa-kambinata «Jubilejny» Aršanskaha rajona.
Z 1991 pa 1994 hod — vučoba ŭ aśpirantury BDSHA.
U 1994—2010 hadach — asistent, vykładčyk, staršy vykładčyk, dacent, daktarant kafiedry miechanizacyi žyviołahadoŭli i elektryfikacyi sielskahaspadarčaj vytvorčaści BDSHA.
2010—2017 hady — dyrektar DNU «NDEI Minekanomiki Respubliki Biełaruś».
Sa studzienia 2017-ha — namieśnik ministra ekanomiki Biełarusi. Ź listapada 2018-ha — pieršy namieśnik ministra ekanomiki.
Kandydat techničnych navuk (2002), dacent. Aŭtar i saaŭtar 7 manahrafij, navučalnych i daviedačnych dapamožnikaŭ, zvyš 90 navukovych prac, 4 vynachodak.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary