«Zakryćcio zapraŭki dla nas — katastrofa». U Ilji źbirajucca zakryvać AZS. Iljancy — suprać
U vioscy Ilja Vilejskaha rajona zakryvajuć zapraŭku, miascovyja žychary ŭ rospačy ad takoj naviny. Aleś Ratkievič, krajaznaŭca i člen SBP, napisaŭ u «Našu Nivu», čym abierniecca takaja padzieja dla žycharoŭ navakolnych viosak i što jany hatovyja rabić, kab papravić situacyju.
«Novy abjekt u Sosiency znachodzicca niedaloka ad Ilji, na adlehłaści 14 kiłamietraŭ. Heta dazvolić stvaryć maksimalna zručnyja ŭmovy dla žycharoŭ Ilji», — adkazaŭ Anatol Karotki.
Voś takuju sumnuju navinu niadaŭna abnarodavała «Rehijanalnaja hazieta». Nakont hetaha chaču vykazać svajo staŭleńnie da takoha rašeńnia «haspadaroŭ» našaha žyćcia.
I adrazu chaču skazać, što heta katastrofa nie tolki dla iljancaŭ. Što za łuchtu takuju niasie hety Karotki?! Pra jakuju zručnaść moža tut iści havorka,kali žycharam Ilji patrebna budzie na motabłoku zamiest 500 mietraŭ piłavać na zapraŭku 15 kiłamietraŭ?! A što kazać pra žycharoŭ inšych pasieliščaŭ i nie małych, takich jak pasiołak Partyzanski? Im prydziecca ŭžo 25 kiłamietraŭ pieraadoleć, kab zapravicca. A žycharam Łukaŭca, Chacienčycaŭ, Sakałoŭki, Novaj Huty, Baturyna, Karpavičaŭ, Ladźvieniaŭ, Plaščanaŭ, Zajelnikaŭ i šmat inšym, uvohule viorst 30—40 patrebna budzie dabiracca da najbližejšaj zapraŭki.
Da čaho kocicca rajon? Kudy hladzić jaho antynarodnaja (inakš nazvać nielha) miascovaja ŭłada? Niaŭžo nie znojdzicca čałaviek z mazhami, jaki znojdzie vyjście z hetaj biurakratyčnaj avanciury? Čaho ž maŭčać našy deputaty,iakija atrymali niedatykalnaści mandaty?!
Nakolki mnie viadoma, žychary Ilji i najbližejšych viosak sabrali bolš za tysiaču podpisaŭ suprać zakryćcia zapraŭki.
Nakiroŭvali zvaroty va ŭsie adpaviednyja instancyi roznych uzroŭniaŭ, ale ŭsio daremna. Paŭsiul hłuchata i ślepata.
Dumajecca, zaraz budzie metazhodnym nakiravać zvarot u centrvybarkam z adklikańniem novaabranaha deputata PPNS, bo straciŭ davier vybarcaŭ. Tym bolš što dla hetaj pracedury nieabchodnyja 1000 podpisaŭ — jany jakraz užo jość sabranyja. Moža, tady choć chtości zavarušycca dy pakłapocicca pa-sapraŭdnamu pra žycharoŭ, jakija dažyvajuć svoj viek u «nierentabielnaj» i «bieśpierśpiektyŭnaj» svajoj sielskaj miascovaści.
Voś maja prapanova… Kali ŭžo kamu tak mocna reža voka hetaja zapraŭka, jaje možna zaharadzić płotam dy pierajści z kruhłasutačnaj pracy na dzionnuju z adnym apierataram. Jakija straty mohuć ad hetakaj arhanizacyi pracy? Nijakija! A pra stapracentny znos abstalavańnia — chłuśnia poŭnaja. Ja kožny raz na joj zapraŭlajusia i nikoli nie zaŭvažaŭ štości niaładnaje. Usio pracuje cudoŭna i nikoli nie było takoha, kab pistalety paliva pralivali. Što takoje niaredka zdarajecca navat na sučasnych vialikich stancyjach. Vielmi chočacca spadziavacca na toje, što ŭłada i deputaty ŭsio ž pačujuć hołas naroda!
Kali łaska, apublikujcie hety voś materyjał. My bolš čym upeŭnieny: jaho pračytajuć «naviersie» i ŭ vyniku, mahčyma, štości začešacca. Dziakuju Vam ad imia žycharoŭ Vilejščyny i nie tolki.
Kamientary