Piva — da 1 litra, depazitnaja sistema viartańnia: urad zaćvierdziŭ płan pierachodu na ekaŭpakoŭku
Płan mierapryjemstvaŭ pa paetapnym źnižeńni vykarystańnia palimiernaj upakoŭki ź jaje zamiaščeńniem na ekałahična biaśpiečnuju zaćvierdžany pastanovaj urada.
Płanam praduhledžana, što pry praviadzieńni masavych mierapryjemstvaŭ budzie arhanizoŭvacca raździelny zbor adkidaŭ, u 2020-2021 hadach ukaraniać depazitnuju (zakładnuju) sistemu zvarotu spažyvieckaj upakoŭki. Zapłanavana pavialičyć abjomy vytvorčaści ekałahična biaśpiečnaj (u tym liku papiarovaj, šklanoj, bijaraskładalnaj) upakoŭki.
MARHu razam z zacikaŭlenymi subjektami daručana vyznačyć pieralik adnarazovaha płastykavaha posudu, vykarystańnie i prodaž jakoha buduć zabaronienyja ŭ abjektach hramadskaha charčavańnia z 1 studzienia 2021 hoda.
Akramia taho, nieabchodna budzie pradumać ekanamičnyja stymuły dla pierachodu na ekaŭpakoŭku. U 2021 hodzie va ŭrad treba ŭnieści prajekt pastanovy, jaki praduhledžvaje paetapnaje abmiežavańnie maksimalnaj umiaščalnaści palimiernaj tary, jakaja ŭžyvajecca dla raźlivu piva i słabaałkaholnych napojaŭ, da 1 litra ŭklučna.
U vobłaści praviadzieńnia navukovych daśledavańniaŭ miarkujecca realizavać płan dziejańniaŭ pa stvareńni technałohii i vytvorčaści bijaraskładalnaha ŭpakoŭki z raślinnaj syraviny.
Pastanova ŭstupaje ŭ siłu paśla jaje aficyjnaha apublikavańnia.
Kamientary