Chłopca, jaki ŭ Breście skraŭ i źbiŭ dziaŭčynu, asudzili na 11 hadoŭ
Aŭtamabil, u bahažniku jakoha jon vyviez dziaŭčynu za horad, kanfiskavany. Sam chłopiec asudžany da 11 hadoŭ kałonii, piša Radyjo Svaboda.
Złačynstva adbyłosia 30 vieraśnia 2019 hoda. 29-hadovy Jaŭhien K. skraŭ svaju byłuju dziaŭčynu ranicaj la budynka technałahičnaha ŭniviersiteta. Jon zapichaŭ dziaŭčynu ŭ bahažnik aŭtamabila i źvioz u nieviadomym kirunku. Pra zdareńnie ŭ sacyjalnych sietkach napisali vidavočcy, milicyja pačała šukać złačyncu pa płanie «Pierachop». U vyniku złačyncu z dapamohaj vypadkovych śviedak zatrymali ŭ vioscy Buśní ŭ Žabinkaŭskim rajonie.
Sud pa hetaj spravie pačaŭsia ŭ Breście 4 studzienia. Mužčynu sudzili adrazu pa troch artykułach Kryminalnaha kodeksa:
- naŭmysnaje pryčynieńnie ciažkoha cialesnaha paškodžańnia (abvinavačany ŭdaryŭ paciarpiełuju bitaj pa hałavie),
- vykradańnie z prymianieńniem hvałtu i
- prymianieńnie hvałtu ŭ dačynieńni da asoby, jakaja vykonvaje hramadzianski abaviazak (padčas zatrymańnia vidavočcami abvinavačany sprabavaŭ pierajechać ich aŭtamabilem).
Zhodna z materyjałami spravy, abvinavačany ŭ momant ździajśnieńnia złačynstva byŭ ćviarozy. Paciarpiełaja ŭ pieršy dzień suda raskazała, što jana doŭhi čas sustrakałasia z abvinavačanym i jaho ŭčynak moža patłumačyć tym, što takim čynam Jaŭhien «chacieŭ jaje viarnuć». Vinu abvinavačany pryznaŭ, adnak pakazańni na sudzie ŭ pieršy dzień pracesu davać admoviŭsia.
U vyniku sudździa pryznała vinu abvinavačanaha całkam dakazanaj i prysudziła jamu 11 hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu. Akramia hetaha asudžany abaviazany vypłacić štraf pamieram 4050 rubloŭ, jaho aŭtamabil kanfiskavany jak srodak ździajśnieńnia złačynstva.
«Prabačcie, što pajšoŭ nie toj darohaj», — skazaŭ paśla vyniasieńnia prysudu Jaŭhien K. Jon taksama paprasiŭ prabačeńnia ŭ paciarpiełaj.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary