Łukašenka — premjeru Łatvii: My kaliści byli častkaj vialikaj krainy
Alaksandr Łukašenka prapanoŭvaje surjozna pašyryć supracoŭnictva pamiž Biełaruśsiu i Łatvijaj. Pra heta kiraŭnik dziaržavy zajaviŭ siońnia na sustrečy z premjer-ministram Łatvii Kryšjanisam Karyńšam, pieradaje BiełTA.
Łukašenka padkreśliŭ, što jašče ŭ časy Savieckaha Sajuza ekanamičnyja suviazi dźviuch krain byli vielmi mocnymi, adnak mnohaje stračana za apošnija hady. «Mnie sapraŭdy pryjemna bačyć vas z vašymi kalehami ŭ Minsku. Vielmi spadziajusia, što dla vas heta nie čužy horad, dakładna tak, jak dla mianie stalica našaj siabroŭskaj Łatvii. Jak by tam ni było, što b my ni kazali ci niechta, usio ž taki my byli častkaj niekali vialikaj krainy. U nas byli nie prosta siabroŭskija, a blizkija adnosiny. Našy ekanamičnyja suviazi byli vielmi mocnyja, — adznačyŭ jon. — Mnohaje my stracili za apošnija hady. Ale važna nie stolki hladzieć nazad, kolki źviartać svaju ŭvahu i pohlad napierad. I ŭ hetym płanie namieciłasia šmat napramkaŭ supracoŭnictva pamiž Biełaruśsiu i Łatvijaj».
«U adroźnieńnie ad inšych bałtyjskich dziaržaŭ fon dobry supracoŭnictva pamiž našymi krainami. Ja miarkuju, što nam treba skarystacca hetym momantam i surjozna pašyryć naša supracoŭnictva. Tym bolš, što ad jaho pašyreńnia my bačym vialikuju vyhadu (kali kazać pra ekanomiku) jak dla Łatvii, tak i dla Biełarusi», — padkreśliŭ Alaksandr Łukašenka.
Kiraŭnik dziaržavy zajaviŭ, što biełaruski bok surjozna rychtujecca da jaho vizitu ŭ Łatviju. «Dziakuj usim vam i vašym kaleham za zaprašeńnie naviedać hetuju družalubnuju nam krainu. Vaš vizit u Minsk ja razhladaju jak surjozny etap padrychtoŭki damoŭlenaściej, jakija mohuć być kančatkova zaćvierdžany padčas majho pryjezdu ŭ Ryhu» [mierkavana 3 krasavika], - adznačyŭ biełaruski kiraŭnik.
U cełym Alaksandr Łukašenka zajaviŭ pra hatoŭnaść adkazać na lubyja pytańni i prapanavaŭ premjer-ministru adkryta abmierkavać usie pytańni. «Treba abmierkavać usie pytańni, kab my dakładna, ščyra, adkryta išli na supracoŭnictva adzin z adnym. Kab potym nie paprakać adzin inšaha i nie pieraadolvać barjery, jakija my možam stvaryć u vypadku, kali my nie damovimsia, nia abmiarkujem tyja ci inšyja prablemy siońnia «, - skazaŭ biełaruski kiraŭnik.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary