Siońnia — muzyčny fest «Uzajemna!» u honar dnia naradžeńnia Kalinoŭskaha
U imprezie voźmuć udzieł hurty Dzieciuki», Znich & Rutvica, Pawa, «Stary Olsa», Raman Arłoŭ i «U nieskładovaje». Akramia taho, na scenu kłuba Re:public vyjdzie i polski hurt Żywiołak (neofolk/metal-folk). Taksama vystupić hurt, jaki abirajecca šlacham konkursa.
Lidar minskaha hurta Znich Aleś Tabolič dzielicca: «My adrazu pahadzilisia vystupić na feście UZAJEMNA!/UZAJEMNA!, jak tolki pastupiła prapanova. Z adnym z udzielnikaŭ festa, polskim kalektyvam Żywiołak my paznajomilisia na apošnim «Basoviščy»! Vielmi dobra, što nie tolki biełarusy Polščy zmohuć pačuć hety hurt».
Adznačyŭ Aleś Tabolič i značnaść imprezy: «Hety fest, ja liču, dla kožnaha biełarusa jość peŭny napamin pra toje, što jon pavinien šanavać svaich hierojaŭ i viedać svaju historyju! Spadziajemsia prezientavać i pakazać novy klip. Buduć i patryjatyčnyja pieśni — danina pavahi Kastusiu Kalinoŭskamu».
Huŕ Pawa rychtuje na fest mocnuju prahramu: z tradycyjnymi «bajevikami» i śviežymi kampazicyjami. A tłumačeńnie tamu prostaje: «U hurcie my ŭsie z pašanaj stavimsia da postaci Kastusia Kalinoŭskaha. Biez paŭstańnia 1863-ha, mahčyma, i nie było b siońniašniaj Biełarusi».
Jarkim hościem imprezy stanie i kamanda Dzieciuki.
Abaviazkova prahučać ich pieśni, źviazanyja z Kastusiom Kalinoŭskim: «Mužyckaja praŭda» dy «Čas kasinieraŭ». Aleś Dzianisaŭ pryznajecca: «Chacia ja nie lublu pafas, ale Kastuś Kalinoŭski — simvał Biełarusi, honar našaj historyi. Adna ź niešmatlikich histaryčnych postaciaŭ, jakaja adpaviadaje hetym hučnym terminam».
Adznačycca na imprezie i hurt, jaki letaś adśviatkavaŭ 20-hodździe — «Stary Olsa». 2 lutaha hurt paraduje patryjatyčnymi i vajarskimi śpievami.
«Kastuś Kalinoŭski dla mianie — śmieły patryjot, jaki zahinuŭ, kab ja zaraz moh razmaŭlać pa-biełarusku, śpiavać svaje pieśni i ŭvohule mieć svaju kulturu!» — zaznačaje lidar hurta Źmicier Sasnoŭski.
Darečy, muzyki zaraz rychtujuć batleječny śpiektakl. «Heta tradycyjnaja vialikaja šafa ŭ styli XV st. My pastavili śpiektakl «Trystan i Izolda» pa biełaruskaj viersii hetaj apovieści. Supravadžeńnie — muzyki «Staroha Olsy»: my sami kirujem lalkami, śpiavajem i razmaŭlajem za hierojaŭ. Zaraz vybirajem zału. Rychtujemsia da kanikułaŭ viasnovych», — raskaŭ Sasnoŭski.
Admietnaj stanie padzieja i dla Ramana Arłova i hurta «Ŭ nieskładovaje».
Muzykant adznačaje: «Kastuś Kalinoŭski — čałaviek, jaki prymusiŭ palakaŭ pavažać biełaruskija intaresy ŭ kantekście paŭstańnia 1863-ha hoda i faktyčna abviaściŭ pieršy Biełaruski Urad u Vilni. Tamu dla mianie pieršaja biełaruskaja dziaržava ŭ Novaj Historyi — mienavita dziaržava Kalinoŭskaha, a nie BNR. I hetaja dziaržava była bolš narodnaj pa ŭsich pakazčykach. Tamu ja nie moh nie napisać pieśniu «Skažy, Kastuś». Jana i prahučyć na kancercie. Skarystaju taksama mahčymaść pakazać jašče dźvie absalutna novyja pieśni».
Pryjezd polskaha hurta Żywiołak stanie mahčymym dziakujučy Polskamu Instytutu ŭ Minsku.
Biełaruskija słuchačy mieli mahčymaść paznajomicca ź jaho tvorčaściu na sioletnim feście «Basovišča». Kamanda isnuje z 2005 hoda, hraje mahičnuju muzyku, zasnavanuju na tradycyjnych narodnych śpievach. U 2008-m hurt ledź nie trapiŭ ad Polščy na «Jeŭrabačańnie».
Biełaruski muzyčny fest UZAJEMNA!/UZAJEMNA! projdzie 2 lutaha, u dzień narodzinaŭ Kastusia Kalinoŭskaha, u kłubie Re:public (vuł.Prytyckaha, 62). Pačatak a 17:30.
Kvitki: 25—40 rubloŭ.
Daviedki: (44) 5517706, (29) 8517706.
-
Uładzimir Niaklajeŭ z nahody svajho 80‑hodździa napisaŭ sabie niekrałoh — žartaŭlivy i fiłasofski
-
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
Kamientary