Videa, na jakim chłopiec kidaje kata ab ziamlu, vyklikała hramadski rezanans i pravavyja nastupstvy dla padletka, paviedamlaje «Hołas Kaściukoŭščyny».
Incydent zdaryŭsia ŭ kancy śniežnia 2019 hoda. Navučeniec liceja №8 u prysutnaści adnahodkaŭ i pad abjektyvam kamiery mabilnika padniaŭ nad hałavoj i špurnuŭ kata ab asfalt. Videa vykłali ŭ internet. Daviedaŭšysia pra zdareńnie, adreahavali pravaachoŭniki, jakija vyśvietlili asobu chłopca.
Čytajcie taksama: U Kaściukovičach maładzion paździekavaŭsia z kata. Jaho vyličyli, viadziecca pravierka VIDEA
U siaredzinie studzienia spravu hetaha padletka razhledzieli ŭ chodzie vyjaznoha pasiadžeńnia kamisii pa spravach niepaŭnaletnich rajvykankama. Svaje dziejańni niepaŭnaletni patłumačyŭ tym, što nibyta zaraziŭsia lišajom ad kata. U lubym vypadku heta nie padstava dla ahresii. Svojskija žyvioły jość u siamji chłopca, jaki časta dahladaje kania. Za im raniej nie zaŭvažali, kab jon byŭ žorstki z žyviołami.
Byli pytańni i da vidavočcaŭ zdareńnia, jakija nie spynili padletka i navat padbuchtorvali jaho. Tolki adzin papiaredziŭ navučenca ab adkaznaści.
Sam padletak raskajaŭsia va ŭčynienym. U vyniku jamu dali štraf. Bolš uvahi chłopcu nadaduć i sacyjalny piedahoh liceja, supracoŭniki ISN.
Akramia taho, udzielnikaŭ hetaj historyi ź piśmovaj zhody ich baćkoŭ dałučyli da ŭborki terytoryi i pamiaškańniaŭ ustanovy adukacyi.
Kamientary