Vizit biełaruskaha lidera ŭ Armieniju staŭ praciaham adpačynku, jaki pačaŭsia ŭ Sierbii na kurorcie «Kapaonik».
Vizit biełaruskaha lidera ŭ Armieniju staŭ praciaham adpačynku, jaki pačaŭsia ŭ Sierbii na kurorcie «Kapaonik». Zaraz Łukašenka katajecca na łyžach u miastečku Cachkadzor.
Ale z naviedvańnia kurortu «Kapaonik» prezidenckaja absłuha zrabiła peŭnyja vysnovy i vyjezd Łukašenki na vysakahorny armianski kurort Cachkadzor «maskiravali» bolš staranna.
Jak pamiatajem, u Sierbiju Łukašenka lacieŭ ledź nie ananimna. U aeraporcie Nišu jaho sustrakali faktyčna jak pryvatnuju asobu — biez naležnych kiraŭniku inšaj dziaržavy ŭšanavańniaŭ, kštałtu hanarovaj varty.
U jerevanskim ža aeraporcie «Zvartnoc» da trapa padyšoŭ asabista prezident Armienii Sierž Sarhsian, kiraŭniku biełaruskaj dziaržavy, jaki vyjšaŭ z samalota za ručku z małodšym synam Mikałajem, padnieśli chleb‑sol. Tam ža ŭ aeraporcie adbyłasia i karotkaja hutarka Łukašenki i Sarhsiana, jakaja stała z taho času adzinym paćvierdžańniem «pracoŭnaha» charaktaru vizitu ŭ Armieniju.
Jak stała viadoma, ź Jerevanu Łukašenka naŭprost ckiravaŭsia ŭ raźmieščanaje za 55 kiłamietraŭ ad armianskaj stalicy miastečka Cachkadzor, dzie spyniŭsia ŭ ultrasučasnym piacizorkavym haściničnym kompleksie Multi Rest House.
Tam jon płanuje prabyć da niadzieli.Prynamsi, mienavita 15 sakavika skančajecca broń na numary, zaniatyja haściami ź Biełarusi.
Da pasłuhaŭ pastajalcaŭ Multi Rest House, adčynieny ŭsiaho krychu bolš za dva hady tamu, prapanoŭvaje nie tolki kamfartabielnyja numary, ale i asobnyja dvuch‑ i trochpaviarchovyja vip‑katedžy, admietnaj rysaj jakich źjaŭlajecca najaŭnaść svajho sanvuzła ŭ kožnaj spalni.
Multi Rest House abrany, miarkujučy pa ŭsim, nie vypadkova. Heta nie tolki samy novy i sučasny hatel na kurorcie, jon idealna padychodzić dla amataraŭ aktyŭnaha adpačynku, da liku jakich adnosicca i biełaruski prezident. U hateli jość fitnes‑zała, saŭna, basiejn, placoŭki dla futboła, baskietboła, tenisnyja korty, biljard. Taksama hatel hanarycca svajoj hulniavoj placoŭkaj dla dziaciej.
Nievialikaje armianskaje miastečka Cachkadzor na postsavieckaj prastory bolš za usio viadomaje jak harnałyžny kurort.Najbolš aktyŭna jaho naviedvajuć sa śniežnia pa krasavik — mienavita ŭ hety pieryjad śnieh na kurorcie harantavany. Trasy na schiłach Cachkadzora majuć piać uzroŭniaŭ składanaści, tamu armianski kurort padychodzić i dla pačatkoŭcaŭ, i dla prasunutych amataraŭ hornych łyžaŭ.
Ad haściničnaha kompleksu Multi Rest House, jaki staić faktyčna ŭ centry Cachkadzora, da kanatnaj darohi i harnałyžnych trasaŭ — usiaho piać chvilinaŭ jazdy na mašynie, chacia bolšaść pastajalcaŭ usio ž addajuć pieravahu tamu, kab pieraadoleć hetuju adlehłaść pieššu i palubavacca miascovymi piejzažami.
Darečy, pres‑słužba prezidenta Armienii nie maje infarmacyi pra toje, ci buduć jašče raz sustrakacca Łukašenka i Sarhsian.Pa źviestkach ža kiraŭnika pres‑słužby biełaruskaha prezidenta Paŭła Lohkaha, Łukašenka vierniecca ŭ Miensk «nie raniej, čym zaŭtra». «U Armienii jašče buduć sustrečy», — adznačyŭ P.Lohki.
Jak raniej paviedamlała pres‑słužba Łukašenki, prahramaj vizitu praduhledžanyja sustrečy Łukašenki z kiraŭnictvam Armienii i pradstaŭnikami dziełavych kołaŭ.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary